Найзағай мен нөсер жаңбыр: қазақстандықтарға 8 қыркүйектегі қолайсыз ауа райы туралы ескертілді

Метеорологтардың мәліметінше, кең ауқымды антициклон ел аумағындағы ауа райына әсерін жалғастырады. Осыған байланысты Қазақстанның басым бөлігінде жауын-шашынсыз, негізінен құрғақ ауа райы сақталады.

Сонымен қатар батыс, солтүстік-батыс және оңтүстік өңірлердің кей жерлерінде найзағай ойнап, жаңбыр жауады. Түнде елдің батысында қатты жаңбыр жаууы мүмкін. Сондай-ақ бұршақ жауып, желдің екпіні күшеюі ықтимал.

Бұдан бөлек, республика бойынша желдің күшейетіні болжанып отыр.

Түнгі және таңертеңгі уақытта елдің батысында, солтүстігінде және оңтүстігінде кей жерлерде тұман түседі.