Жаңбыр, найзағай, тұман синоптиктер 7 сәуірде болатын қолайсыз ауа райы туралы ескертті

Таратылған ақпаратқа сүйенсек, Қазақстанның батысында ғана антициклон жотасының әсерінен жауын-шашынсыз ауа райы күтіледі.

"Атмосфералық фронтальды бөлімдердің өтуімен байланысты Қазақстанның басым бөлігінде жаңбыр, найзағай күтіледі, оңтүстіктің таулы аймақтарында кей уақыттарда қатты жаңбыр жауады". "Қазгидромет" РМК баспасөз қызметі

Сондай-ақ, республика бойынша тұман, желдің күшеюі, оңтүстігінде бұршақ жаууы, дауыл күтіледі.

"Қызылорда облысының шығысында, Түркістан облысының батысында, солтүстігінде, орталығында, тау бөктерінде, Жамбыл облысының солтүстік-батысында, батысында, Алматы облысының солтүстігінде, оңтүстігінде, Жетісу облысының солтүстігінде, оңтүстігінде, орталығында, Қарағанды, Абай облыстарының оңтүстігінде жоғары өрт қаупі күтіледі".

Бұған дейін алдағы үш күнге – 7, 8, 9 сәуірге арналған ауа райы болжамын ұсынған болатынбыз.