Жаңбыр, найзағай: синоптиктер ертең ауа райы қандай болатынын айтты

АСТАНА, 28 наурыз – Sputnik. Қазгидромет 29 наурызға ауа райы болжамын ұсынды.

Кең ауқымды антициклон әсерінен Қазақстан аумағының басым бөлігінде жауын-шашынсыз ауа райы сақталады. Тек еліміздің батысында, оңтүстігінде атмосфералық фронтальды бөліктердің өтуіне байланысты жаңбыр жауып, найзағай ойнайды, дейді мамандар.

Республика бойынша тұман түседі. Солтүстікте көктайғақ, батыста, оңтүстікте, орталықта жел күшейеді. Оңтүстік-батыста, оңтүстікте шаңды дауыл болжанып отыр.

Ал Қызылорда облысының шығысында, Түркістан облысының батысында, Жетісу облысының оңтүстігінде жоғары өрт қаупі болады деп күтілуде.