Немересін құтқармақ болған: Қостанай облысында атасы баламен бірге өзенге жоғалып кетті

Қостанай облысында Тобыл өзенінде жоғалып кеткен алты жасар бала мен оның атасын іздестіру жұмыстары екінші күн қатарынан жүргізіліп жатыр. Алдын ала мәлімет бойынша, баланы қатты ағын ағызып әкеткен, оған көмекке ұмтылған ер адам да суға батып, жоғалып кеткен, деп хабарлайды Tengrinews.kz тілшісі.

Қостанай облысында Тобыл өзенінде жоғалып кеткен алты жасар бала мен оның атасын іздестіру жұмыстары екінші күн қатарынан жүргізіліп жатыр. Алдын ала мәлімет бойынша, баланы қатты ағын ағызып әкеткен, оған көмекке ұмтылған ер адам да суға батып, жоғалып кеткен, деп хабарлайды Tengrinews.kz тілшісі.

Қайғылы жағдай Қостанай облысындағы Алтын дала ауылы маңында болған. Тобыл өзені жағасында отбасылық демалыс кезінде су жиегінде ойнап жүрген бала қатты ағында қалған. Оқиғаны көрген атасы немересін құтқаруға ұмтылған, алайда ағынның қаттылығынан екеуін де су ағызып әкетті.

Instagram-дағы бұл жарияланымды көру

Жарияланым авторы: «ӨҢІР 10» ІЗДЕСТІРУ ЖАСАҒЫ (@poisk_region_10)

"Оқиға орнына Қостанай облыстық төтенше жағдайлар департаментінің күштері, полиция қызметкерлері, жедел медициналық жәрдем бригадасы және жергілікті атқарушы орган өкілдері жіберілді. Іздестіру-құтқару жұмыстарына жеке құрамнан 40-қа жуық адам, 13 техника, екі жүзу құралы және бір ұшқышсыз ұшу аппараты жұмылдырылды", - деп хабарлады Қостанай облысы ТЖД.

Құтқарушылар бейжай қарамай, іздестіру жұмыстарына көмектесіп жатқан барлық адамға су айдынында қауіпсіздік ережелерін сақтау керектігін ескертті. Жоғалғандардың туыстары да осындай үндеу тастады.

"Іздестіру жұмыстары жүріп жатқанына екінші күн болды. Мұнда құтқарушылар мен еріктілер жұмыс істеп жатыр. Бөгде адамдардан келмеуді сұраймыз, ағын өте қатты. Қайықтармен өз бетінше суға шықпауды өтінеміз", - делінген еріктілер парақшасында жарияланған үндеуде.

Айта кетейік, жазатайым оқиға болған жерде шомылуға тыйым салынған.

Тыйым салатын белгі қойылған: Қарағанды маңында жазғы демалыс қайғылы жағдаймен аяқталды

Бұған дейін Қарағанды іргесіндегі Көкпекті ауылында 2011 жылғы қыз бала суға батып кеткен болатын. Үлкендер өз шаруаларымен айналысып жатқанда, балалар шомылуға бел буған. Алайда су жағасындағы серуеннің соңы қайғымен аяқталды. Оқушының денесі жағадан шамамен 20 метр қашықтықта, төрт метр тереңдіктен табылды. Қайғылы оқиға шомылуға тыйым салынған жерде болған. Бұл учаскеде тиісті ескерту белгісі орнатылған болатын.