Олимпиада чемпионы Данияр Елеусіновтің ұсталғаны туралы ақпарат тарады

Фото: Ашық дереккөз

Алдын ала мәлімет бойынша, Toyota Land Cruiser жүргізушісі бірнеше автокөлікпен соқтығысып, кейін оқиға орнынан кетіп қалған.

Полицияның мәліметінше, жедел іздестіру іс-шаралары барысында аталған көлік анықталып, Достық көшесінде оны тәртіп сақшылары тоқтатты. 

«Көлік тізгінінде алкогольдік масаңдық белгілері бар 35 жастағы ер адам болған», деп хабарлады полиция.

Данияр Елеусінов АҚШ-тағы жекпе-жегін нокаутпен аяқтады

Ведомствоның мәліметінше, жол-көлік оқиғаларынан зардап шеккендер жоқ.

Қазіргі уақытта аталған дерек бойынша тексеру жүргізіліп жатыр. Оның қорытындысы бойынша жүргізушінің әрекетіне құқықтық баға беріліп, Қазақстан Республикасының заңнамасына сәйкес тиісті шаралар қабылданады.

Сондай-ақ полицияда «жауапкершілік адамның танымалдығына, кәсібіне, лауазымына немесе еңбегіне қарамастан бірдей қолданылады» деп атап өтті.

Данияр Елеусінов UFC басшысымен келісімшарт жасасты

Айта кетейік, Алматы қаласының Әуезов ауданында ауыр жол-көлік оқиғасы тіркелді. Жол апатының салдарынан жүргізуші ауыр жарақат алып, қалалық ауруханалардың біріне жеткізілді. Жанындағы жолаушы әйелге де медициналық көмек көрсетілді.