Он үшінші білім ошағы

Мемлекет басшысы Қасым-Жомарт Тоқаевтың бастамасымен жүзеге асып жатқан «Келешек мектептері» жобасы өткен жылдың соңына таман Маңғыстау өңірінде өз мәресіне жетті. Маңғыстау облысында «Келешек мектептері» ұлттық жобасы аясында 11 мыңнан астам оқушыға арналған 12 мектеп пайдалануға берілген болса, жыл соңында өңірде жоба аясында жоспарланған барлық 13 мектеп толық іске қосылды.

Бұған дейін ашылған мектептердің соңын ала, яғни ұлттық жобаны тиянақтаған Ақтау қаласының 16-шағын ауданында ашылған №35 жалпы білім беретін мектеп болды. Бұл – Маңғыстау облысында аталған жоба бойынша іске қосылған он үшінші мектеп.

1 500 оқушыға есептелген жаңа форматтағы білім беру ұйымының жалпы аумағы 15 мың шаршы метрден асады.  Оқу ордасында 77 пән кабинеті қарастырылған, олардың ішінде дизайн және технология, тамақтану мәдениеті, визуалды өнер, үй мәдениеті, роботтехника, STEM және музыка бағытындағы арнайы сыныптар бар. Білім ордасы заманауи оқу құрал-жабдықтарымен толық қамтылып, оқушылардың шығармашылық әлеуеті мен зияткерлік дамуына қолайлы орта қалыптастырылған.

Жаңа білім ордасының ашылу рәсіміне Маңғыстау облысының әкімі Нұрдәулет Қилыбай қатысып, ұстаздар мен оқушыларды жаңа мектептің ашылуымен құттықтады.

 – Мемлекет басшысының тапсырмасына сәйкес өңі­рі­мізде заманауи үлгідегі мектептер кезең-кезеңімен бой көтеріп жатыр. Бұл бастама балалардың сапалы білім алып, болашақ мамандығын ертерек таңдауына жол ашады. Жаңа мектептер тек білім беру орны емес, оқу­шы­­лардың қабілетін ашып, олардың жан-жақты дамуына жағ­дай жасайтын кеңістікке айналуға тиіс, – деді өңір бас­шысы.

Мектеп ғимаратының тағы бір артықшылығы –  ерекше білім беруді қажет ететін балаларға да бейімделген. Мұнда сенсорлық бөлме, инклюзивті білім беруді қолдау кабинеті жұмыс істейді, сондай-ақ мүмкіндігі шектеулі оқушыларға  арнайы жеделсаты орнатылған. Сондай-ақ қауіпсіздікті қамтамасыз ету мақсатында мектеп ішінде 126 бейнебақылау камерасы орнатылып, аумағында балаларға арналған ойын және спорт алаңдары салынған.

Сондай-ақ «Келешек мектептері» ұлттық жобасы аясында бір жыл ішінде бірнеше жаңа білім ордасы іске қосылған Мұнайлы ауданында үш ауысымды оқыту түбегейлі жо­йылды.

 – Үш ауысымды оқытуды жою мақсатында «Келешек мектептері» ұлттық жобасы аясында былтыр бірнеше білім беру нысаны іске қосылды. Атап айтқанда, Батыр ауылдық округі мен «Самал», «Хазар» шағын аудандарында 1200 орындық екі мектеп, Маңғыстау ауылының «Айрақты» тұрғын үй массивінде 900 орындық мектеп, Басқұдық ауылдық округінде 395 орындық «Бастау» жеке­меншік бас­тауыш мектебі пайдалануға берілді. Осы нысан­дардың ашылуы арқылы аудандағы үш ауысымды оқу мәселесі толық шешілді, –  деді аудан басшысы Қанат Қүлжанов.

Заманауи жаңа мектеп – оқушы үшін жайлы жағдайда алаңсыз білім алудың кепілі. Маңғыстауда ашылған жаңа мек­тептер оқушылар мен ата-аналар үшін қуаныш сыйлап келеді.           

Маңғыстау облысы 

Соңғы жаңалықтар

Әлем және Азия рекорды: Қазақстан мергендері жалпыкомандалық есепте көш бастады

Спорт • Кеше

Бейбітшілік кеңесі туралы тағы бір мәлімет: Ақорда түсініктеме берді

Қазақстан • Кеше

Богданович мұздығында қар көшкіні қаупі жоғары

Оқиға • Кеше

Олимпиада-2026: Фристайл-акробатикадан ел намысын кімдер қорғайды?

Спорт • Кеше

Екі облыс аумағындағы автожол жабылды

Қоғам • Кеше

23 қаңтарда Астанада бірінші ауысым оқушылары қашықтан оқиды

Елорда • Кеше

«Тәуелсіздік ұрпақтары» – 2025 грантының жеңімпаздары марапатталды

Марапат • Кеше

Қазалыда теміржол үстінен өтетін аспалы көпір ашылды

Аймақтар • Кеше

Отаншыл маман даярлауды басты мақсат санаймыз

Пікір • Кеше

Мемлекет басшысы Давоста бірқатар кездесу өткізді

Президент • Кеше

Мемлекет үніңізге құлақ ассын: eOtinish-ке қанша хат келіп түседі?

Қоғам • Кеше

Екі ел басшылары Давоста не жөнінде әңгімелесті?

Президент • Кеше

Қостанай қаласындағы балалардың неше пайызы аралас мектептерде білім алып жатыр?

Білім • Кеше

Маңғыстауда үш көлік соқтығысты: Бір адам ауруханаға жеткізілді

Оқиға • Кеше

«Каспий» командасының бас бапкері ауысты

Футбол • Кеше

Барлық жаңалықтар