Оңтүстік Кореяда құс тұмауының өршуі: билік қауіпсіздік шараларын күшейтті

Биылғы маусымда ауруға шалдыққандардың жалпы саны 53-ке жетті.

Төтенше жағдайларды басқару және қауіпсіздік жөніндегі орталық штабтың мәліметінше, індет ел астанасынан солтүстікке қарай 40 шақырым жерде орналасқан Кенгидо провинциясының Почхон қаласындағы құс фабрикасында анықталған.

Билік фермаға кіруді шектеп, ауру құстарды жоюға және індеттің себебін анықтауға кірісті. Жақын маңдағы нысандарда 24 сағаттық жұмыс тоқтатылды.

Үкімет сонымен қатар қыстың аяғында құстардың маусымдық көші-қон кезеңінде инфекцияның одан әрі таралуын болдырмау үшін 20 наурызға дейін ел бойынша 200-ден астам құс фабрикасын арнайы тексеруді тапсырды.

Айта кетейік, осыған дейін Германияда құс тұмауының кесірінен 500 мың құс жойылды.

Сондай-ақ Лейпциг хайуанаттар бағы құс тұмауына байланысты бірқазандарын жойды.