Оңтүстік Кореядағы орман өрті үшінші күн қатарынан жалғасып жатыр

Кореяның Орман қызметінің мәліметінше, өрт сенбі күні шамамен 21:00-де тұтанып, содан бері 190 гектарға жуық аумақ жанып кеткен. Дүйсенбі күні таңғы 05:00-дегі жағдай бойынша өрттің 32 пайызы оқшауланған.

Түн ішінде орман шаруашылығы қызметкерлері оттың елді мекендерге таралуына жол бермеу үшін 105 өрт сөндіру техникасы мен 603 адамды оқиға орнына жіберді. Алайда таулы жер бедері мен қатты жел өртті сөндіру жұмыстарын қиындатып отыр.

Ведомствоның хабарлауынша, таң атқаннан кейін өрт аймағына кезең-кезеңімен 51 тікұшақ жіберіледі.

Бұған дейін, жексенбі күні 22:30-да Орман қызметі орман өрттеріне әрекет етудің екінші деңгейін енгізу туралы бұйрық берген. Мұндай деңгей өрттен келетін залал 100 гектардан асуы мүмкін болғанда, желдің орташа жылдамдығы секундына 11 метрден жоғары болғанда немесе өртті оқшаулау 48 сағаттан артық уақыт алуы ықтимал болған жағдайда енгізіледі.

Сол күні 23:14-те Ұлттық өрт агенттігі де ел бойынша өрт сөндіру күштерін жұмылдыру туралы бұйрық шығарған. Мұндай шара өрттің ауқымы жергілікті билік пен күштердің мүмкіндігінен асып кеткен кезде қолданылады.

Еске сала кетейік, ақпандағы антропогендік климаттық өзгерістер Патагония мен Чилиде орман өрттерін күшейтті.