Оқу ошақтары қайта жаңартылады

Ақтөбе облысында білім беру ұйым­­дарын қайта жаң­арту жұ­мы­с­­тары үздіксіз жүріп жатыр. Солардың бірі – 60 жылдан астам тарихы бар Ақтөбе құры­лыс-техникалық колледжі. 

Был­тыр оқу кабинеттері мен шебер­ханалары, су, кәріз, жылыту желілері түгел жаңартылып, материалдық-техникалық базасы күшейтілді. Колледж директоры Гүлден Есенғалиеваның айтуынша, студенттер электрмеханикалық жабдық­тарға техникалық қыз­мет көрсету, дәнекерлеу ісі, ғима­раттар құрылысы, тұрғын үй-ком­муналдық шаруа­шылық нысандарының инже­нерік жүйеле­рін монтаждау және пайдалану мамандықтары бойынша білім алады.

Оқу орнында 680 сту­дент оқыса, ола­р­дың тең жартысы дуалды оқыту жүйесіне кө­шірілген. Түлектерінің жұ­мысқа орналасу көрсеткіші – 88 %-ға тең.

Өңір басшысы Асхат Шаха­ров күрделі жөндеуден өткен құрылыс-техникалық коллед­жі­нің оқу кабинеттерін, шеберханалары мен зертханаларын аралап, сатып алын­ған құ­рал-жаб­дықтарды қалай пайдаланып отырғанын бақы­лап, түлектердің кәсіби даяр­­лық деңгейін сұрады. Бұл жерде 34 жыл үзіліссіз ең­бек етіп келе жатқан Күлхан Ешма­нова кейінгі жылдары орта және кәсіптік-техникалық оқу орындарының мате­риалдық-техникалық базасын күшейтуде қыруар іс атқарылып жат­қа­н­ы­на риза­шылығын біл­дір­ді. Тә­жіри­белі педагог студент­тер­дің болашақ маман­дығы­ның қыр-сырын меңгеруіне құрал-жабдықтармен жұмыс істей білу маңызды екенін айтты. Өйткені түлек өндіріске барар алдында құ­рылыс қоспа­ларының құра­мын, оларды қалай жасай білу сырын шеберханада үйреніп, электр және газбен дәнекер­леу жабдықтарымен жұмыс істей білуі шарт. «Шәкірт өз ма­ман­дығының негізгі бағыт­тарын жақсы меңгерсе, жұмысқа төселуі де тез», дейді тәжірибелі ұстаз. Сол үшін колледждерге өндірістен келген шеберлерді көптеп тарту керек.

Облыс орталығында 90 жыл­ға жуық уақыт үздіксіз білім беріп келе жатқан мектептер бар. Солардың бірі – қа­ла­ның ескі бөлігінде ор­на­ласқан І.Есен­берлин атын­дағы №15 мек­­теп. 1939 жылы салынған ғима­ратта бүгінде 574 бала оқи­ды. Былтыр қай­та жаңар­ту жұ­мыс­тары жүр­гізіліп, ғи­ма­рат­­тың қас­беті мен шатыры тү­гел­­­дей жаңартылып, едені мен жылу және кәріз жүйе­ле­рі тү­гел алмастырылды. Сон­­дай-ақ оқу кабинеттері, кітап­ха­насы мен спортзалы, асханасы жаңартылып, заманауи жаб­дықтар сатып алынды. Кір­піштен салынған мектеп әлі де ұзақ жылға шыдас беретін түрі бар. Ақтөбе қаласында 70–80 жылдың тарихы бар ескі білім беру ұйымдарын жаңарту биыл да жалғасады. Оқу жылы аяқталысымен қала­дағы №5, №17, №22,№37 мектептерін күрделі жөндеу басталады. Сондай-ақ биыл Әйтеке би, Байғанин, Темір, Шалқар аудандарының бір­қатар ескі мектептері ғимарат­тарына да қайта жаңарту жұмыстары жүргізілмекші.

Ақтөбе облысы 

Соңғы жаңалықтар

Еліміздің тауар өндірушілер тізіліміне 5 мыңға жуық кәсіпорын тіркелген

Экономика • Бүгін, 09:43

Астана мен Алматыда доллар қаншадан саудаланып жатыр?

Қаржы • Бүгін, 09:35

Қазақстанда қазір қандай жолдар жабық тұр?

Ауа райы • Бүгін, 09:23

Бүгін ауа райы қандай болады?

Ауа райы • Бүгін, 09:12

Конституцияның жаңашылдығы – байыпты тұжырымдамалық мазмұнында

Саясат • Бүгін, 09:05

Суды үнемдеу – өңір дамуының өзегі

Саясат • Бүгін, 09:02

Инвесторларды қолдау тетіктері жетілдіріледі

Саясат • Бүгін, 09:00

Цифрлық жаңғыртудың нақты қадамдары

Саясат • Бүгін, 08:55

Әскери теміржол күзетінің мәртебесі бекітілді

Саясат • Бүгін, 08:53

Жасанды интеллект жұмыссыз қалдыра ма?

Жасанды интеллект • Бүгін, 08:50

Креативті индустриядағы ұлттық қолтаңба

Жастар • Бүгін, 08:48

Трансфер нарығы: Нани «Ақтөбе» сапында ойнайды

Футбол • Бүгін, 08:45

Жақсылық жасау – жауапкершілік

Жастар • Бүгін, 08:43

Теңгенің тегеуріні

Теңге • Бүгін, 08:40

Оқытуды жеңілдеткен платформалар

Digital • Бүгін, 08:38

Барлық жаңалықтар