Оралда 45 млн теңгені заңсыз иемденген күдікті ұсталды

34 жастағы қала тұрғыны алаяқтық жасады деген күдікке ілінді. Тергеу деректеріне сәйкес, ол табысты арттырамын деген желеумен Бөрлі ауданының тұрғынын алдап, жалпы сомасы 45 миллион теңге болатын қаражатты иемденген.

- Алаяқтық әрекеттер 2023 жылдың шілдесінен 2025 жылдың қазан айына дейін жалғасқан. Бұл жәбірленушіні ұзақ уақыт және жүйелі түрде алдап келгенін көрсетеді, - делінген ақпаратта.

Сондай-ақ күдіктінің бұған дейін де осыған ұқсас қылмыстары үшін жауапкершілікке тартылғаны анықталды.

Қазіргі уақытта қылмыстық іс қозғалып, күдікті ұсталып, уақытша ұстау изоляторына қамалды. Қылмыстың барлық мән-жайы анықталуда.

Айта кетейік, тағы бір алаяқ пәтерлер мен жер учаскелерін төмен бағада ұсынған.