Өскеменде 70 жастағы әйел екінші қабаттан құлап, ауруханаға түсті

Өскеменде 70 жастағы әйел көпқабатты үйдің екінші қабатынан құлап, ауруханаға жеткізілді, – деп хабарлайды Aikyn.kz сайты.

Оқиға Космонавтар көшесінде болған. Егде жастағы әйел түрлі жарақат алып, ауруханаға түскен.

Шығыс Қазақстан облысының Полиция департаменті аталған деректі растады.

– Осы факті бойынша қылмыстық іс қозғалды. Қазіргі уақытта сотқа дейінгі тергеу жүргізіліп, оқиғаның барлық мән-жайы анықталып жатыр, – деп хабарлады ведомствоның баспасөз қызметі.