Өткел енді жоқ БҚО дағы су тасқынының салдары видеоға түсірілді

Батыс Қазақстан облысында көктемгі су тасқыны Зелёное ауылы маңындағы өзен арқылы өтетін бейресми өткелді тағы да бұзып кетті. Куәгерлер оқиға салдарын видеоға түсіріп алған, деп хабарлайды Tengrinews.kz тілшісі "Мой ГОРОД"-қа сілтеме жасап.

Батыс Қазақстан облысында көктемгі су тасқыны Зелёное ауылы маңындағы өзен арқылы өтетін бейресми өткелді тағы да бұзып кетті. Куәгерлер оқиға салдарын видеоға түсіріп алған, деп хабарлайды Tengrinews.kz тілшісі "Мой ГОРОД"-қа сілтеме жасап.

Кадрлардан су ағыны тұрғындар жолды қысқарту үшін пайдаланған үйіндіні толығымен шайып кеткені көрінеді. Видео авторы өткелдің осымен неше мәрте бұзылғанын айтты.

"Зелёное ауылы, Плодоовощнойдың екінші бөлімшесі (Мичурин - автор еск.). Өткелді тағы да су шайып кетті. Былтыр екі құбыр салып, арқанмен байлап тастаған еді, соңында бәрін су шайып, құбырлар осында жатыр. Ағын тоқтағанына бірнеше күн болды. Бұны қашан жөндейтіні белгісіз. Айналма жолмен жүру тағы алты шақырым", - дейді автор.

Бұл жол (өткел) ресми жүру бөлігі болып саналмайтыны белгілі болды. Бәйтерек ауданы Мичурин ауылының әкімі Максим Мүсәлімов бұл Крутенькая өзенінің арнасы екенін түсіндірді. Зелёное ауылының тұрғындары облыс орталығына дейінгі жолды қысқарту үшін 10 жыл бойы өз қаражаттары есебінен үйінді жасап келген.

"Жыл сайын көктемде өзен бұл үйіндіні шайып кетеді, өйткені тұрғындар ешқандай инженерлік ережелерді сақтамай, тек топырақ үйеді. Қазіргі уақытта Зелёное ауылынан асфальтқа дейін топырақ жол және әрі қарай Крутенькая өзенінен өтуге арналған барлық нормаларға сай келетін көпір бар", - деді Максим Мүсәлімов.

Еске сала кетейік, 5 сәуірде Ақмола облысының Қорғалжын ауданында "Шөптікөл" бөгеті бұзылды, ол Сабынды ауылынан солтүстікке қарай екі шақырым жерде орналасқан.

Куәгерлер Астана - Қорғалжың тас жолының бір бөлігін еріген қар суы шайып кеткенін хабарлады. Бұған жауап ретінде "ҚазАвтоЖол" өкілдері су ағыны Астана - Қорғалжың республикалық автожолының 75-шақырымынан өтіп жатқанын, алайда жолдың жүру бөлігіне су жайылмағанын айтты.

Google News арқылы жаңалықтарымызды қадағалаңыз