Қазақстанда бизондар видеоға түсірілді

Қазақстанда бизондар видеоға түсірілді. Кадрлар TikTok-та таралып, әлеуметтік желі қолданушыларының ерекше назарын аударды, - деп хабарлайды Tengritravel.kz тілшісі.

Қазақстанда бизондар видеоға түсірілді. Кадрлар TikTok-та таралып, әлеуметтік желі қолданушыларының ерекше назарын аударды, - деп хабарлайды Tengritravel.kz тілшісі.

Автордың айтуынша, кадрлар жануарлардың табиғи мекенінде түсірілген.

"Бұл Солтүстік Америка емес. Бұл Қазақстан. Бұл - бизондар. Олар жем салынған науаларға жүгіріп келеді", - деді ер адам камера сыртында.

"Бұйратау" ұлттық паркі мәліметінше, 2020 жылы парк пен жеке компания арасында жасалған меморандум аясында Канададан 10 бизон әкелінген. Бүгінде олардың саны 26-ға жеткен.

Бизондар маралдармен бірге 400 гектарлық қоршалған аумақта ұсталады. Парк бойынша маралдардың жалпы саны – шамамен 500, оның 61-і осы қоршауда.

Жазда жануарлар вольер аумағындағы жайылымда шөп жейді, ал қыста оларға шөп пен астық түріндегі жем-шөп беріледі.

Айта кетейік, "Буйратау" ұлттық паркі 2011 жылы құрылған. Ол Ақмола облысының Ерейментау және Қарағанды облысының Осакаров ауданы аумағында орналасқан, жалпы ауданы – шамамен 89 мың гектар.

Саяхат қызықтары мен пайдалы ақпаратты Instagram және Facebook парақшаларынан оқи аласыз!

Следите за нашими новостями в Google News