Пәкістанда жарылыстан жеті адам қаза тапты

Пәкістанның солтүстік-батысында үйлену тойы кезінде лаңкестік жасалып, жеті адам опат болды. 25-ке жуық азамат жарақат алып, ауруханаға жеткізілді. 

Оқиға жергілікті үкіметті қолдаушы көшбасшының үйінде болды. Қонақтар тізімінде болған лаңкес жарылғыш құрылғыны киімінің астына жасырған көрінеді. Сондықтан қайтыс болғандар саны әлі де артуы мүмкін. Құқық қорғау органдары кейінгі уақытта аймақта радикалды топтардың шабуылдары жиілеп кеткенін жеткізді. Оқиғаға қатысты пәкістандық тәліптер күдікке ілінді. Алайда жауапкершілікті әлі ешкім өз мойнына алған жоқ.