Параатлеттер Astana Half Marathon жарысына қатысты

Әр экипаж бір штурманнан, инклюзивті қатысушы және оған қашықтықты еңсеруге көмектескен үш пилоттан тұрды.

Мұндай бастамалар инклюзивті ортаны дамытуға және қалалық кеңістіктің барлық тұрғын үшін қолжетімді әрі жайлы ету қағидаттарын ілгерілетуге ықпал етеді.

«Мен үшін мұндай марафонға қатысу – ең алдымен ірі спорттық оқиғаның атмосферасын сезініп, осы іс-шараның бір бөлігіне айналу мүмкіндігі. Көрермендердің қолдауын сезіну және осындай іс-шаралардың барлық қатысушы үшін барған сайын қолжетімді болып келе жатқанын көру қуантады», деді жарысқа қатысушылардың бірі.

Айта кетейік, биылғы Astana Half Marathon жарысы әлемнің 30-дан астам елінен келген шамамен 7000 қатысушының басын қосады. Марафон бағыты елорданың негізгі көшелері мен көрікті орындарын қамтыды.

Astana Half Marathon қатысушылары «Таза Қазақстан» акциясын қолдап, плоггинг өткізді

Іс-шара бағдарламасында 21,1 шақырым, 10 шақырым, скандинавиялық жүріс және «Экиден» командалық эстафетасы бойынша жарыстар өтті.