Павлодарлық іздеушілер майдангердің туыстарын тапты

АСТАНА, 15 қаңтар-Sputnik. Павлодарлық "Майдан жолы" іздестіру зерттеу жасағы Ұлы Отан соғысына қатысушы — Қызыл Армия әскері Никита Ефимович Кузьмичуктың туыстарын тапты.

Никита Ефимович 1901 жылы Павлодар облысының Воскресенск қаласында дүниеге келген. 1942 жылы ол Сталинград маңында тұтқынға алынып, Норвегиядағы басып алынған Энгель аралындағы неміс лагерінде қайтыс болды.

Никита Кузьмичуктың картасы

Никита Кузьмичуктың картасы

"Норвегиядан келген Татьяна Затолокинаның мұрағаттық және зерттеу жұмыстарының арқасында тарихи шындықты қалпына келтіре алды", - деді іздеушілер.

Никита Ефимовичтің ағасының шөбересі Наталья Анатольевна Черкашина бұл жаңалық оны қатты таң қалдырғанын айтты. Өйткені, ол көптеген жылдардан кейін бірақ табылды.

Қазір Наталья Омбыда тұрады, бірақ тамырым қазақ жерімен тығыз байланысты, дейді ол.

Сондай-ақ іздеушілер әскери құжаттарда фамилияны жазуда кеткен қателікті анықтады. Жауынгердің шынайы тегі Кузьменчук, бұл оның тағдыры туралы көптеген жылдар бойы ақпараттың болмауына қосымша себеп болған.

Мұндай дәйектер, өкінішке орай, Батырлар туралы шындықты анықтауға көп кедергі болады. Өкінішке орай, Никита Ефимовичтің суреті жоқ, бірақ оның ағасы Прокопийдің жұбайымен бірге суреті бар.

© Photo : Предоставлено Павлодарским поисковым отрядом "Майдан Жолы"Никита Кузьмичуктың ағасы Прокопий жұбайымен

Никита Кузьмичуктың ағасы Прокопий жұбайымен

© Photo : Предоставлено Павлодарским поисковым отрядом "Майдан Жолы"

Никита Ефимовичтің тарихы - соғыстың қайғылы және қаһармандық шежіресінің бір бөлігі ғана. Мәліметтерге сәйкес, Энгель аралында неміс лагерінде қаза тапқан қазақстандықтардың саны оннан асады. Олардың есімдері белгілі, бірақ туыстары әлі табылған жоқ.