Павлодарлық студент бот көмекші ойлап тапты

Павлодарлық студент тері ауруларын анықтайтын бот-қосымша жасап шығарды. ІТ-саласының маманы күнделікті өмірде көпшілік тері ауруларының алғашқы белгілеріне мән бермей, асқындырып алатынын байқаған.

Сондықтан осы мәселені шешуге бел буған. Науқас бот-қосымшаға терінің зақымданған бөлігінің фотосын жүктеу арқылы қандай ауруға шалдығуы мүмкін екенін біле алады. Жоба авторы бағдарлама диагноз қоймайтынын және дәрігерді алмастыра алмайтынын ескертеді. Қазір бот сынақ режимде жұмыс істеп тұр. Болашақта өнертапқыш мәліметтер базасын кеңейтіп, толыққанды мобильді қосымша жасап шығармақ.

Әзібек Тәтенов, студент:

- Пайдаланушы қосымшаға кіреді және қандай симптомдар барын жазады. Сауалнама өтеді. Жасы, жынынсы туралы және де бот оған түгелімен қалай емделу керек екенін айтады. Қашан дәрігерге бару керек екені жөнінде кеңестер береді. Екінші бір функциясы фотоға түсіру арқылы қандай да бір зақымдарды танып алу. Қазіргі кезде телеграмм-бот жан-жақты жетілдіру.