Италияда қазақстандық студент қаза тапты

Италияда қазақстандық студент - Орал қаласындағы Назарбаев Зияткерлік мектебінің түлегі қайтыс болды. Оның қазасы туралы ақпарат әлеуметтік желілерде тарады, деп хабарлайды Tengri Travel.

Италияда қазақстандық студент - Орал қаласындағы Назарбаев Зияткерлік мектебінің түлегі қайтыс болды. Оның қазасы туралы ақпарат әлеуметтік желілерде тарады, деп хабарлайды Tengri Travel.

Жарияланған материалдарға сәйкес, марқұмның туыстары оның денесін елге жеткізу кезінде қиындықтарға тап болған. Жазбаларда шығындардың жалпы сомасы шамамен 8000 еуроны құрайтыны айтылған.

Осыған қатысты Сыртқы істер министрлігінің баспасөз қызметіне хабарластық. Ведомство қаза тапқан азаматтың жақындары мен туыстарына көңіл айтып, дипломаттар қажетті қолдау көрсетіп жатқанын хабарлады.

"Сыртқы істер министрлігі марқұмның жақындары мен туыстарына қайғырып көңіл айтады. Қазақстан Республикасының Италиядағы елшілігі мен Италияның құзыретті органдары оқиғаның мән-жайын анықтап жатыр. Қазақстандық дипломаттар туыстарымен байланыста болып, қажетті консулдық-құқықтық көмек көрсетіп жатыр", - деп түсіндірді ведомство өкілдері.

Қазіргі уақытта оқиғаның мән-жайы анықталуда.

Тағы оқыңыз: СІМ қазақстандықтарға қай елдерге барудан бас тартқан жөн екенін айтты

Google News арқылы жаңалықтарымызды қадағалаңыз