Оқушы биопакет ойлап тапты

Қоршаған ортаны қорғау – бү­гінгі қоғам ал­дын­дағы ең өзек­ті мін­деттің бірі. Бұл бағытта тек ғалымдар мен экологтер ғана емес, жас буын өкілдері де тың идеяларымен үлес қосып ке­леді. Соның жар­қын дәлелі – алма­тылық 10-сынып оқушысы Мөлдір Кенжебайдың эко­­логияға зияны жоқ биопакет ­ойлап табуы.

Коллажды жасаған – Зәуреш СМАҒҰЛ ,«EQ»

Жас өнертапқыш өз жо­ба­сын әзірлеу бары­сын­да заманауи тех­но­логияның мүмкін­дігін тиімді пайдаланған. Атап айтқанда, жасанды интеллект көмегіне жүгініп, түрлі ғылыми деректерді сарала­ған, экологияға қауіпсіз әрі табиғи құрамдарды анықтаған. Соның нә­тижесінде толықтай табиғи заттардан тұра­тын, қоршаған ортаға залал келтір­мейтін биопакет жасалып шыққан.

Мөлдірдің айтуынша, ойлап тапқан биопакет небәрі 45–50 ми­нуттың ішінде толықтай еріп кетеді. Ал бұл – полиэтилен пакет­тер­мен салыстырғанда орасан зор айыр­машылық. Ғалымдардың дере­гіне сүйенсек, кәдімгі полиэтилен қал­дықтары табиғатта 500 жылға дейін ыды­рамай жатады. Осы уақыт ара­лығында топырақты, суды және тірі ағзаларды улап, экожүйеге айтар­лықтай зиян келтіреді.

«Табиғатты аялау бәрімізге ортақ міндет. Қоршаған орта­мыз­дың таза болуы біздің болаша­ғымызға әсер етеді. Бұл істі әркім өз басынан бас­таса, табиғат таза болар еді»,  дейді Мөлдір Кен­жебай.

Елімізде экология мәселесінің өзекті­лігі күн өткен сайын артып келеді. Ресми мәліметтерге сүйен­сек, елімізде жыл са­йын 5 миллион тоннадан астам тұр­мыс­тық қоқыс шығарылады. Оның басым бө­лігі – пластик пен полиэтилен қалдық­тары. Бұл жағдай қоршаған ортаға үлкен қауіп төндіріп қана қоймай, болашақ ұрпақ­тың денсаулығына да кері әсер етуі мүмкін.

Осы тұрғыда Мөлдір Кенже­байдың ­бастамасы – қоғамға ой салатын, маңызы зор жоба. Жасанды интеллект пен ғылым­ды ұштастыра отырып жасалған био­пакет өндірісте қолданысқа енгі­зілсе, эко­логиялық ахуалды жақ­­сартуға үлкен үлес қоса ала­­ты­ны сөзсіз. Сонымен қатар бұл жоба жасөспірімдердің ғы­лымға, ин­новацияға деген қызы­­ғу­­шылығын арттырып, ел бола­шағына бейжай қарамайтын саналы ұрпақ қалыптастыруға жол ашады.

Жас өнертапқыштың табан­ды еңбегі мен ізденісі – «табиғатты қорғау жасқа қа­рамайды» деген ойдың айқын дәлелі. Егер осындай бастамалар қолдау тауып, кеңінен жүзеге асса, экологиялық таза Қазақстан құруға бір қадам жақындай түсеріміз анық.

Алматы 

Соңғы жаңалықтар

Серік Сәпиев министрдің штаттан тыс кеңесшісі болып тағайындалды

Тағайындау • Бүгін, 12:58

Заңғар Нұрланұлы жасөспірімдер рейтингінде үздік ондыққа кірді

Спорт • Бүгін, 12:43

Қазақстан мен Вьетнам өзара тауар айналымын екі есе арттыруға ниетті

Экономика • Бүгін, 12:33

Астанада TikTok желісіндегі жалған «емшіге» сот үкімі шықты

Қоғам • Бүгін, 12:23

Мұнай қоры бойынша ТОП-15 ел: Қазақстан қатарда бар ма?

Қазақстан • Бүгін, 12:19

Трамп: Үндістан Ресей мұнайынан бас тартты

Әлем • Бүгін, 12:09

FlyArystan тегін қол жүгінің салмағын арттырады

Қоғам • Бүгін, 11:57

Жемқорлықпен күрес: Бюджетке 100 млн теңгеден астам қаржы қайтарылды

Заң мен Тәртіп • Бүгін, 11:40

«Қорғас» кеден бекеті екі аптаға жабылады

Қоғам • Бүгін, 11:28

Алматыда гимнастикадан ел чемпиондары анықталды

Спорт • Бүгін, 11:17

Серік Сәпиев пен орынбасары қызметінен кетті

Қоғам • Бүгін, 11:07

Голан жоталарында Қазақстанның қанша бітімгері қызмет етеді?

Әскер • Бүгін, 10:57

Олимпиада-2026: Ұлттық банк жаңа коллекциялық монеталарды шығарады

Қоғам • Бүгін, 10:38

ЖИ жыл құстарын зерттеудің жаңа дәуірін ашты

Технология • Бүгін, 10:28

Сенсациялық нәтиже: Бибісара Асаубаева супертурнирде үздік бестікке енді

Спорт • Бүгін, 10:17

Барлық жаңалықтар