Президент әлеуметтік масылдықты қатаң сынға алды

Мемлекет басшысы Қасым-Жомарт Тоқаев «Turkistan» газетіне берген сұхбатында әлеуметтік саясаттағы шектен тыс жеңілдіктер қоғамда масылдық психологияны қалыптастырғанын айтты. Президент бұл үрдіс әлеуметтік әділдікке нұқсан келтіріп, алаяқтыққа жол ашқанын атап өтіп, білім мен медицина саласындағы қаржыландыру жүйесін түбегейлі қайта қарау қажет екенін жеткізді, деп жазады Egemen.kz.

Фото: ашық дереккөз

«Қазақстан – әлеуметтік мемлекет. Денсаулық сақтау, әлеуметтік қамсыздандыру, ғылым және мәдениет саласына қатысты барлық міндеттеме толық орындалады. Шетелдіктер, әсіресе, көрші мемлекеттердің тұрғындары біздің елдегі әлеуметтік қызметтің соншалықты дамығанына қызыға да, қызғана да қарайды. Соның ішінде кепілдік берілген тегін медициналық көмек және азаматтарға арналған көптеген жеңілдік бар. Тіпті, Қазақстанды «коммунизм орнаған» ел деп атай бастады», деді Президент.

Сонымен бірге Мемлекет басшысы білім беру мен медицина саласындағы «жан басына сәйкес қаржыландыру» жүйесі түбегейлі қайта қарауды қажет ететінін айтты. Оның сөзінше, бұрмаланған тәртіп бюджетке салмақ түсіріп, бей-берекет жағдай қалыптастырған.

«Бұл саланы мемлекеттен қаржыландыру жүйесінің өзін реформалау керек. Министрліктің бұрынғы басшылары енгізген бүгінгі бұрмаланған тәртіп бей-берекеттікке әкеп соқтырады, себебі, қазірдің өзінде қаражат жетпей жатыр. Барлығы ашық болуға тиіс, осы саладағы үрдістің бәрін цифрландырған жөн», деп атап өтті Қасым-Жомарт Тоқаев.

Президент әлеуметтік жеңілдіктерді теріс пайдалану, жалған мәртебе арқылы көмек алу фактілеріне де қатаң тоқталды. Оның айтуынша, бұл мәселе әлеуметтік әділдікке тікелей қауіп төндіреді.

«Заңсыз әрекеттер аз емес. Сондықтан, Үкімет пен құқық қорғау органдарына осы салада тәртіп орнатуды тапсырдым. Біз өркениетті, әділетті мемлекет құрып жатырмыз. Қазақстанда барлық азаматтың құқығы бірдей, ешкімге ешқандай артықшылық немесе басымдық берілмейді», деді Мемлекет басшысы.

Сұхбатта қандастар мәселесі де қозғалды. Президент тарихи Отанына оралған ағайынның ел өміріне дұрыс кірігуі үшін жүйелі жұмыс қажет екенін атап өтті. Оның айтуынша, бұл бағытта орталық және жергілікті билік пен құқық қорғау органдары бірлесе әрекет етуге тиіс.

Еске салайық, бүгін Қазақстан Президенті Қасым-Жомарт Тоқаев «Turkistan» газетіне кең көлемді сұхбат берді. Онда ол көлік және логистика саласын дамыту Қазақстан үшін стратегиялық маңызы бар басымдық екенін атап өтті. Қасым-Жомарт Тоқаев Нұрсұлтан Назарбаевтың Владимир Путинмен кездесулері бейресми сипатқа ие екенін айтты. Сондай-ақ Президент соңғы жылдары тарих­ты талқылау сәнге айналғанын сөз етті. Түрлі под­каст­тар, фильмдер, мақалалар мен кітап­тар шығып жатқанынан хабардар екенін жеткізді. Қасым-Жомарт Тоқаев Қаңтар оқиғасына қатысқан азаматтарға байланысты сот процестері мен тергеу жұмыстары жөнінде пікір білдірді. Мемлекет басшысы бұл тақырыпқа қатысты негізгі деректер әлдеқашан белгілі болғанын айтып, кейбір сот істері мен ұрланған қаруды іздестіру жұмыстары әлі де жалғасып жатқанын мәлімдеді.

Соңғы жаңалықтар

Павлодар әуежайы қайтарылған активтер есебінен жаңартылады

Қоғам • Кеше

5 қаңтарда Қазақстанда қар жауып, көктайғақ болады

Ауа райы • Кеше

Елімізде енді оқушыларды жасанды интеллект репетиторлары оқытады

Білім • Кеше

Жер бетінде магниттік дауыл басталды

Ғылым • Кеше

Иранда жаппай наразылықтарға байланысты интернетке шектеу қойылды

Әлем • Кеше

8 мыңнан астам белсенді, 50-ге жуық ұйым: Астанада волонтерлік қызмет қарқынды дамып келеді

Волонтер • Кеше

БҚО-да ауа райына байланысты үш республикалық жол жабылды

Ауа райы • Кеше

Венесуэлаға қарсы әскери операцияға 150 бомбалаушы, жойғыш және барлау ұшағы қатысқан

Әлем • Кеше

БҰҰ қауіпсіздік кеңесі Венесуэладағы жағдайға байланысты шұғыл отырыс өткізеді

Әлем • Кеше

Ұлытау облысында жоғалған үш адам табылды

Қоғам • Кеше

Ақтауда жүргізушілер жол таңбаларының сапасына шағымданды

Аймақтар • Кеше

Аружан Сағандықова 7 млн теңгелік турнирде жеңіске жетті

Спорт • Кеше

2026 жылы Қазақстанда 11 мың шақырымнан астам жол салынады

Үкімет • Кеше

Астанада мәдениет қайраткерлеріне мемлекеттік стипендия тапсырылды

Мәдениет • Кеше

Фаббинг деген не және ол не үшін зиян?

Қоғам • Кеше

Барлық жаңалықтар