Қабарда Балқарда қар көшкіні салдарынан 11 альпинист қаза тапты

Қабарда-Балқарияда қар көшкіні 33 адамнан тұратын альпинистер тобын басып қалды. 11 адам қаза тапты, алты адам ауруханаға жатқызылды, тағы алты адамның тағдыры белгісіз, деп хабарлайды Tengrinews.kz ресейлік БАҚ-қа сілтеме жасап.

Соңғы мәліметтер бойынша, он адам қар құрсауынан өз бетінше шығып, таудан түсе алған. Тағы алты адамды іздестіру жұмыстары әлі де жалғасып жатыр, оларды ТЖМ Эльбрус биік таулы іздестіру-құтқару жасағының құтқарушылары мен жедел топ іздестіріп жатыр.

Альпинистерді іздестіруге тікұшақтар тартылған.

Іздестіру-құтқару операциясына 56 адам қатысып жатыр, деп хабарлады ТАСС агенттігіне өңірлік ТЖМ басқармасы. Сондай-ақ ведомство бұл ауданда қайта қар көшкіні жүру қаупі сақталып тұрғанын ескертті.

Қабарда-Балқария прокуратурасы тексеру жүргізіп жатыр, РФ Тергеу комитеті салғырттық дерегі бойынша қылмыстық іс қозғады.

2026 жылдың шілдесінде Қабарда-Балқарияда Эльбрус тауына шығу кезінде алты альпинист қаза тапты – оның бесеуі Босния және Герцеговина азаматы, біреуі Ресей азаматы.

Google News арқылы жаңалықтарымызды қадағалаңыз