Қапшағай су қоймасында суға батып бара жатқан адамды құтқарамын деп жас жігіт қаза тапты

Қонаев қаласының тұрғыны Андрей Козятинский Қапшағай су қоймасында суға батып бара жатқан демалушыны құтқармақ болған кезде қаза тапты. Қайғылы оқиға туралы қала әкімі Асхат Бердіханов өзінің Instagram парақшасында хабарлады, деп жазады Tengrinews.kz.

"Қапшағай су қоймасында өз өмірін қиып, басқа адамды құтқаруға тырысқан Андрей Филипович Козятинскийдің қайғылы қазасы туралы хабарды терең күйзеліспен қабылдадым.

Бұл әрекет — нағыз ерліктің, жанқиярлықтың және азаматтық қадір-қасиеттің үлгісі. Шешуші сәтте Андрей бейжай қалмай, өз қауіпсіздігін ойламастан, қиындыққа тап болған адамға көмекке ұмтылды. Мұндай қадамға тек жүрегі кең, мінезі мықты адам ғана бара алады", - деп жазды әкім.

Әкім қала тұрғындарының атынан Андрейдің әкесіне, бауырына, марқұмның туған-туыстары мен жақындарына көңіл айтып, жас жігіттің ерлігі Қонаев тұрғындарының жадында мәңгі сақталатынын атап өтті.

"Бірнеше жыл бұрын өмірден өткен анасының жарқын бейнесі мен Андрейдің ерлігі оны танитындардың жүрегінде мәңгі қалады. Оның батылдығы мен өзгенің өмірін арашалау жолындағы жанқиярлығы - нағыз қаһармандықтың, адамгершіліктің және жақынға деген сүйіспеншіліктің белгісі", - деді Асхат Бердіханов.

Instagram-дағы бұл жарияланымды көру

Бердіханов Асхат Ермекұлының (@berdikhanov_askhat) жарияланымы

ТЖД мәліметінше, 2026 жылғы 22 шілдеде демалыс аймақтарының бірінде суда жазатайым оқиға болғаны туралы хабарлама түскен. Алдын ала ақпарат бойынша, бір адам суға кеткен. Батып бара жатқан демалушыны құтқару кезінде демалыс базасының қызметкері қаза тапты.

Google News арқылы жаңалықтарымызды қадағалаңыз