Қарашада Шабыт шақырады

Руханият саласы бойынша өзіндік өрнегімен ерекше байқаулардың бірі - "Шабыт" шығармашыл жастар фестивалі. Аталған дода Астана қаласында биыл қатарынан жиырма сегізінші рет ұйымдастырылады.

«Шабыт» XXVIII халықаралық байқауын өткізу 18-22 қараша аралығына жоспарланған.
Осы аптада биылғы "Шабытқа" қатысушылар үшін өтінім берудің соңғы күндері өтіп жатыр.
Қатысушылардың жас ерекшелігі - 18 бен 35 арасы.
Байқау келесі аталымдар бойынша өткізіледі: камералық хор, хор дирижері, академиялық ән салу және концертмейстерлік шеберлік, камералық музыка (скрипка, альт, виолончель, контрабас және фортепиано), фольклорлық ұжым (2–5 орындаушы: домбыра, қобыз, шертер, жетіген және т.б.), эстрадалық вокал (дуэт, трио), бейнелеу өнері, живопись, графика, поэзия, креатив.
Қазылар алқасының шешімі бойынша байқау қатысушыларына "лауреат" және "дипломант" атақтары беріледі және келесі мөлшерде ақшалай сыйлықтар тағайындалады:
Гран-при – 3 000 000 теңге;
І орын – 1 000 000 теңге;
ІІ орын – 750 000 теңге;
ІІІ орын – 500 000 теңге.