Астана Шабыт фестивалі жастарға жол тартпақ

Астана шабыт пен шығармашылықтың орталығына айналмақ. 18–22 қараша аралығында мұнда «Шабыт» шығармашыл жастардың халықаралық фестивалі өтеді. Бұл - өнер саласындағы беделді байқаулардың бір. Ол Қазақстан мен өзге елдердің талантты орындаушыларын, суретші, ақындарын біріктіреді. Биыл фестиваль жаңа форматта өтеді.

Пандемиядан кейін алғаш рет өтетін шара Күләш Байсейітова атындағы Қазақ ұлттық өнер университетінің жаңартылған сахнасында ұйымдастырылады. Өтінімдер 5 қарашаға дейін қабылданады. Фестиваль Мәдениет және ақпарат министрлігінің және Астана қаласы әкімдігінің қолдауымен өтеді.

Ибраһим Амин, «Вокалдық өнер» кафедрасының оқытушысы: 

- Қазір біз өтінім қабылдап жатырмыз біртіндеп қатысушылардың саны көбейіп келе жатыр. Алайда алдын ала жоспар бойынша Астана қаласында 1500-2000 адамды қарсы алуға дайындалып жатырмыз. Себебі номинациялар ансамбльдік форматта өтетін болғандықтан адамдар көп келеді. Тіпті камералық хордың өзінде 30 адам деп есептейтін болсақ, камералық хордан бір 500-600 адам келеді деп жоспарлануда. 

Қызығушылық танытып жатқан қазақстандық қатысушылардан бөлек шетелдік қатысушыларымыз да бар. Атап өтсек, Қытай Халық Республикасынан, Әзірбайжан мен көршілес жатқан Ресей мемлекетінен келетін қатысушылар да, әділқазы мүшелері де бар.