Қаскелеңде оқушы сабақ кезінде көз жұмды

АСТАНА, 22 қаңтар - Sputnik. Қаскелеңде оқушы сабақ кезінде қайтыс болды, бұл жаңалық әлеуметтік желілерде тарады.

Бірнеше БАҚ хабарлағандай, Сәтпаев атындағы орта мектепте 9-сынып оқушысы қайтыс болды. Алматы облыстық білім басқармасында бұл ақпаратқа түсініктеме берді.

"Өкінішке қарай, бүгін таңертең (21 қаңтар - ред.), бірінші сабақтан кейінгі үзіліс кезінде 9-сынып оқушысы өзін нашар сезінген. Мектеп әкімшілігі дереу жедел жәрдем шақырды", - делінген хабарламада.

Оқушының денсаулығына қатысты шағымдар болып жатқаны жөнінде оның өзімен бірге тұратын әкесіне хабарланды.

"Жасөспірімнің анасы олардан бөлек тұрады. Жағдайы нашарлаған сәтте оқушының нашағы әжесі жанында болды. Ол сол оқушы оқитын Қ.Сәтпаев атындағы №47 орта мектепте география пәнінің мұғалімі. Жедел жәрдем бригадасы реанимация және медициналық шаралар көрсеткеніне қарамастан, баланы құтқару мүмкін болмады, ол оқиға орнында қайтыс болды", - деп хабарлады басқармада.

Жасөспірім осы жылдың 26 ​​ақпанында 16 жасқа толар еді. Қазіргі уақытта тергеу және тексеру жұмыстары жүргізіліп жатыр, деп хабарлады басқармада.

"Мәрқұмның денесі сот-медициналық сараптамаға жіберілді, оның нәтижелері бойынша қосымша ақпарат беріледі", - деді ведомствода.

Сонымен қатар жедел жәрдем келген кезде мектепте құқық қорғау органдары мен жергілікті атқарушы органдардың қызметкерлері, сондай-ақ білім басқармасының мамандары мен психологтары болғаны хабарланды.