Қазақ дәстүріне жат Алматыда сүйісу мен құшақтасу туралы сөз қозғалды

Алматыда сәлемдесу формалары мен ұлттық дәстүрлердің сақталуына баса назар аударуға шақырды, - деп хабарлайды Tengri Life.

Бірқатар сарапшы пікірінше, соңғы уақытта сүйісіп, құшақтасып амандасу әдеті жиі белең алып барады, алайда бұл қазақ халқының ежелгі дәстүрлеріне және жалпыға ортақ қоғамдық әдеп нормаларына сәйкес келмейді.

Бұл туралы Алматы әкімдігінің баспасөз қызметі "Қазіргі қоғамның құндылықтар жүйесі: басымдықтар мен даму перспективалары" атты дөңгелек үстел қорытындысы бойынша мәлімдеді.

Ведомство мәліметінше, сәлемдесудің кейбір заманауи түрлері, әсіресе үлкен буын өкілдерімен қарым-қатынас кезінде орынсыз деп қабылдануы мүмкін.

"Мерекелер мен тойларды өткізу мәдениеті де ұлттық мәдениет нормаларына сай болуы, қоғамның дәстүрлері мен рухани құндылықтарына, жалпыға ортақ моральдық нормаларға деген құрметті көрсетуі тиіс. Тек осы жағдайда ғана өнеге боларлық және қоғамның берік моральдық негізін қалайтын ұлттың жоғары мәдениеті туралы айтуға болады. Бүгінде қоғамда қиындықтарды бірлікте еңсеріп, елдің ілгерілеуін қамтамасыз ете алатын табысты ұлт құндылықтарын нығайту өте маңызды", - делінген Алматы әкімдігі баспасөз қызметі хабарламасында.

Сондай-ақ онда құқықтық мәдениетті нығайтпай және жауапты азаматтарды тәрбиелемей елді дамыту мүмкін еместігі атап өтілді. Әкімдік өкілдері атап өткендей, қазіргі қоғам дәл осы негізде құрылуы тиіс.

Google News арқылы жаңалықтарымызды қадағалаңыз