Мәжілісте жемқор әкімдер мен министрлер туралы сөз қозғалды

Мәжіліс депутаты Бақытжан Базарбек "Болашақ" бағдарламасындағы заңбұзушылықтар туралы айта келе, халықаралық бағдарламаның сотталған түлектерін еске салып, Қазақстанның бюджет қаржысына кімді даярлап жатқанына шүбә келтірді, деп хабарлайды Tengrinews.kz тілшісі.

Мәжіліс депутаты Бақытжан Базарбек "Болашақ" бағдарламасындағы заңбұзушылықтар туралы айта келе, халықаралық бағдарламаның сотталған түлектерін еске салып, Қазақстанның бюджет қаржысына кімді даярлап жатқанына шүбә келтірді, деп хабарлайды Tengrinews.kz тілшісі.

Мәжілісмен бұл туралы "Еңбек нарығының өзгеруін және жасанды интеллектінің енгізілуін ескере отырып, жоғары білімді кадрларды даярлау" тақырыбындағы үкімет сағатында айтты.

Базарбек "Болашақ" бағдарламасы бойынша кадр даярлау төңірегіндегі жағдайды сынға алды. Оның айтуынша, анықталған заңбұзушылықтар жүйенің өзіне қатысты күрделі сұрақтар туғызады.

"Болашақ" бағдарламасы бойынша кадрларды даярлаудағы заңбұзушылықтарды санау мүмкін емес - естігенде жағаңды ұстайсың. Статистикаға қараңызшы: "Болашақ" бағдарламасы бойынша конкурсқа талаптарға мүлдем сәйкес келмейтін 80 801 үміткер жіберілген. Олардың ішінде 340 адам стипендия алып, 7 миллиард 659 миллион теңгеге шетелде оқып жүр", - деді депутат.

Ол сондай-ақ бағдарламаның қандай басқарушылар мен мамандарды дайындап жатқанына шүбә келтірді.

"Жаңалықтарды оқығанда, кезекті министр немесе әкім тағайындалып, 3–4 жылдан кейін "Болашақ" бағдарламасын бітірген сол әкім сыбайлас жемқорлық үшін қылмыстық жауапкершілікке тартылғанда, біз жалпы кімді дайындап жатқанымыз туралы сұрақтар туындайды", - деді Базарбек.

Оның айтуынша, министрліктің кейбір лауазымды тұлғаларына қатысты жекелеген эпизодтар бойынша қылмыстық іс қозғау мәселесін көтеруге болады.

ОБСУЖДАЕТСЯ СЕЙЧАС

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

"Министрліктің кейбір лауазымды тұлғаларына қатысты кейбір эпизодтар бойынша - батыл түрде қылмыстық іс қозғауға болады", - деп мәлімдеді ол.

"Болашақ" бағдарламасы тек стипендия беру кезіндегі заңбұзушылықтарға байланысты емес, сонымен қатар оның түлектеріне қатысты атышулы оқиғаларға байланысты бірнеше рет қоғамдық талқылаудың ортасында қалды.

Айта кетейік, халықаралық бағдарлама түлектерінің бірі - Қуандық Бишімбаев. 2001 жылы ол АҚШ-тың Джордж Вашингтон университетінде "Болашақ" бағдарламасы бойынша іскерлік әкімшілендіру магистрі дәрежесін алып, жоғары мемлекеттік лауазымға ие болған бағдарламаның алғашқы түлегі атанған.

2018 жылы Бишімбаев пара алғаны, сеніп тапсырылған бөтен мүлікті иемденгені немесе талан-таражға салғаны үшін кінәлі деп танылып, 10 жылға бас бостандығынан айырылды. Кейінірек, 2024 жылы ол Салтанат Нүкенованы өлтіру ісі бойынша 24 жылға бас бостандығынан айырылды.

Белгілі "болашақтықтардың" қатарында денсаулық сақтау вице-министрі болған Олжас Әбішев те бар. Кейінірек ол денсаулық сақтау жүйесіндегі IT-жобаны іске асыру кезінде қызметтік өкілеттігін асыра пайдалану ісі бойынша сотталды. Сот оған 4 жылға бас бостандығын шектеу жазасын тағайындады, сондай-ақ одан және бұрынғы денсаулық сақтау министрі Елжан Біртановтан мемлекет пайдасына 1,3 миллиард теңге өндіріп алу туралы шешім шығарды.

Білім және ғылым вице-министрі болған Эльмира Суханбердиева "Болашақ" стипендиясының иегері атанып, Калифорниядағы Берклиде ғылыми тағылымдамадан өткен. 2019 жылы Суханбердиева қызметтік өкілеттігін асыра пайдалану және кәсіпкерлік қызметке заңсыз қатысу ісі бойынша кінәлі деп танылды. Сот оған айыппұл салып, мемлекеттік қызметте лауазымдарды атқару құқығынан өмір бойына айырды.

Бұл ретте Ғылым және жоғары білім министрлігі бұған дейін жекелеген атышулы оқиғалар бүкіл бағдарламаның атына кір келтірмеуі керек деп мәлімдеген болатын. 2024 жылы министр Саясат Нұрбек Бишімбаев сияқты түлектер "Болашаққа" нұқсан келтірмей ме деген сұраққа жауап бере отырып, бағдарламаның Қазақстанға әлі де қажет екенін, ал оның мыңдаған түлегі медицина, ғылым, инженерия және басқа да салаларда жұмыс істеп жатқанын айтқан еді.

Google News арқылы жаңалықтарымызды қадағалаңыз