Қазақстан азаматы Питер FM студиясын басып алмақ болған

«Питер FM» радиостанциясының қызметкерлері полиция шақырды. Себебі 52 жастағы Қазақстан азаматы қауіпті әрекет жасап, студияға кіруге талпынды. Алдымен ол өзін курьер ретінде таныстырған, қолында пластик байлағыштар болған.

«Фонтанка» басылымының мәліметінше, азамат эфирге шығып, белгілі пацифистік ұран айтуға ниеттенген. Алайда оның агрессивті әрекеттерінен кейін қызметкерлер оны ұстап, полицияға тапсырды.

Бағдарлама директорының айтуынша, бастапқыда бұл оқиға аса мән беруді қажет етпейтіндей көрінген. Бірақ кейін тексеру барысында оның рюкзагынан байлағыштар (хомуты-стяжки) табылған. Өз сөзінде ол радио қызметкерлерін бейтараптандырып, микрофонға жетуді жоспарлағанын мойындаған.

«Питер FM» оның екінші нысаны болған — бірінші радиостанцияға күзет өткізбегендіктен, кіре алмаған. Полиция оқиғаға аса мән беріп, ғимаратты кинологтар тексерді, жарылғыш зат табылмады. Алдын ала мәлімет бойынша, Нурлан жеке әрекет еткен және ешқандай ұйыммен байланысы болмаған.

Қазіргі таңда Қазақстан азаматы полиция бөлімінде «кішігірім бұзақылық» бабымен жауапқа тартылды. Алдағы уақытта оған қарсы қылмыстық іс қозғалуы да мүмкін.

Бүгін, 14:12