Қазақстан қажылары үшін Мекке мен Мәдинада жеңілдетілген бағдарлама іске қосылады

Қазақстан Мекке мен Мәдинадағы қажылар үшін мәдени мүмкіндіктерді кеңейтіп жатыр. Бұл туралы Сыртқы істер министрлігі хабарлады, деп жазады Egemen.kz.

Қазақстан Республикасының Жидда қаласындағы Бас консулы Руслан Қоспанов Меккедегі Абрадж әл-Бейт кешенінде (Сағат мұнарасы) орналасқан Пайғамбардың өмірбаяны және ислам өркениеті халықаралық мұражайына зиярат етті.

Мұражайдың эксклюзивті оператор болып табылатын Al-Salam Company (ASC) компаниясының Бас менеджері Файез Кансардың қатысуымен өткен кездесу барысында мәдениет, ағарту және туризм салаларындағы ықтимал ынтымақтастық бағыттары талқыланды. Бұл бағыттар қасиетті Мекке мен Мәдина қалаларына баратын Қазақстан азаматтары үшін мүмкіндіктерді кеңейтуді көздейді.

Қазақстан квотасымен шетелдіктерді қажылыққа апарғандар жауапқа тартылады

Бас консул бұған дейін Дүниежүзілік мұсылман лигасының басшылығымен қол жеткізілген уағдаластықтарға сәйкес және Қазақстан мұсылмандары діни басқармасының қатысуымен, қазіргі уақытта Қазақстан Республикасының елордасы Астана қаласында Орталық Азиядағы алғашқы Пайғамбар мұражайын ашу жөніндегі жұмыстар жүргізіліп жатқанын атап өтті.

Өз кезегінде, Файез Кансара аталған бастаманы жоғары бағалап, өзара тиімді ынтымақтастықты одан әрі жолға қою және нығайтуға дайындығын білдірді.

Кездесу қорытындысы бойынша Мұражайдың эксклюзивті операторы болып табылатын Al-Salam Company (ASC) компаниясы мен Қазақстан Республикасының Бас консулдығы арасында Өзара түсіністік пен ынтымақтастық туралы меморандумға қол қоюдың салтанатты рәсімі өтті. Рәсім барысында Файез Кансара Қазақстан Республикасының мұражайдың осындай келісімге қол қойған алғашқы шет мемлекет болғанын ерекше атап өтті.

Елордада 17 адамды «қажылыққа жіберемін» деп алдаған алаяқ жазаланды

Қол қойылған құжатқа сәйкес, Қазақстан Республикасы азаматтары үшін арнайы жеңілдік бағдарламасын енгізу жөнінде келісімге қол жеткізілді. Бұл бағдарлама Пайғамбардың өмірбаяны және ислам өркениеті халықаралық мұражайына кіру билеттеріне жеңілдік беруді көздейді. Аталған бастама Мекке мен Мәдина қалаларындағы мұражайдың филиалдарына да қолданылады және шектеулі мерзім ішінде жүзеге асырылады, одан кейін тараптардың қалауы бойынша ұзартылуы мүмкін.

Кездесу қорытындысы бойынша тараптар серіктестікті одан әрі нығайтуға, бірлескен мәдени-ағартушылық бастамаларды дамытуға, сондай-ақ Қазақстан азаматтарының Корольдікке сапары барысында қызмет көрсету сапасын арттыру және мүмкіндіктерді кеңейту мақсатында жұмыс тәртібіндегі үйлестіруді жалғастыруға дайын екендіктерін білдірді.

Соңғы жаңалықтар

«Таза Қазақстан»: Келешек мектептерінің оқушылары экоакцияға қатысты

«Таза Қазақстан» • Бүгін, 13:46

Түркістан облысында екі көпірді су шайып кетті

Аймақтар • Бүгін, 13:06

Ақтауда көпқабатты тұрғын үйден өрт шықты: 14 адам эвакуацияланды

Аймақтар • Бүгін, 12:30

Биыл елімізде әскери парад өтпейді

Әскер • Бүгін, 12:12

Президент Қазақстан азаматын босатуға қалай көмектесті: Үш ел басшысымен жүргізілген келіссөздің мән-жайы айтылды

Президент • Бүгін, 11:38

Таразда мектеп аумағында биіктіктен құлаған оқушы ауыр жарақат алды

Аймақтар • Бүгін, 11:12

Мереке күндері ХҚКО-лар қалай жұмыс істейді?

Оқиға • Бүгін, 10:50

Жасөспірімдер Алматы тауларынан түсе алмай қалған

Қоғам • Бүгін, 10:34

Әлем нарығында мұнай бағасы 2 долларға арзандады

Экономика • Бүгін, 09:43

2 мамырға арналған валюта бағамы

Қаржы • Бүгін, 09:30

Бүгін елімізде ауа райы қандай болады?

Ауа райы • Бүгін, 09:17

Алматы облысындағы танымал туристік бағыттар қоқыстан тазартылды

Аймақтар • Кеше

Футболдан Қазақстан ұлттық құрамасы жаңа ойын формасын таныстырды

Футбол • Кеше

Виктор Друзин көркем жүзуден әлем Кубогі кезеңінде қола жүлде жеңіп алды

Спорт • Кеше

Астанада ер адам жұбайын көпшілік көзінше соққыға жыққан

Оқиға • Кеше

Барлық жаңалықтар