Қазақстан ресейлік инвесторларға эксклюзивті жеңілдіктер беруге дайын министр

АСТАНА, 4 маусым – Sputnik. Қазақстан ресейлік инвесторларға эксклюзивті жеңілдіктер беруге дайын, деп мәлімдеді өнеркәсіп және құрылыс министрі Ерсайын Нағаспаев.

"Ресей Федерациясының құзыреттері мен технологияларын ескерсек, бұл біз үшін өте маңызды. Біз ресейлік және халықаралық инвесторларға ашықпыз. Ірі ресейлік және басқа да тараптар үшін біз эксклюзивті жеңілдіктер беретін инвестициялық келісімдер сияқты тетіктерді пайдалануға дайынбыз", - деді Нағаспаев Петербург халықаралық экономикалық форумының сирек кездесетін жер металдары мен маңызды минералдар саласындағы ынтымақтастыққа арналған сессиясында.

Министр сонымен қатар Қазақстан маңызды минералдар бойынша әлемдік көшбасшылардың бестігіне кіреді және геологиялық барлаудан, өндіруден, озық өңдеуден бастап дайын өнімді сатуға дейін бірыңғай экожүйе құруды көздейтінін айтты.

Ол республикада сирек кездесетін жер металдардың 100-ден астам расталған кен орны бар екенін хабарлады. Қазіргі уақытта осы кен орындарының 20-сында жұмыстар жүргізіліп жатыр.