Қазақстан және ОПЕК+ тағы алты елі мәлімдеме жариялады

ОПЕК+ құрамындағы жеті ел мұнай өндірудің мақсатты көрсеткіштерін арттыру туралы келісімге келді. Толық мәлімет альянстың ресми парақшасында жарияланды, - деп хабарлайды Tengrinews.kz тілшісі.

ОПЕК+ құрамындағы жеті ел мұнай өндірудің мақсатты көрсеткіштерін арттыру туралы келісімге келді. Толық мәлімет альянстың ресми парақшасында жарияланды, - деп хабарлайды Tengrinews.kz тілшісі.

ОПЕК+ альянсына мүше жеті мемлекет - Сауд Арабиясы, Ресей, Ирак, Кувейт, Қазақстан, Алжир және Оман - 3 мамырда әлемдік нарықтың қазіргі жағдайы мен болашағын қарастыру мақсатында виртуал форматта кездесу өткізді.

Мұнай нарығындағы тұрақтылықты сақтау жөніндегі ұжымдық міндеттемелер аясында жеті ел мұнай өндірісін тәулігіне шамамен 188 мың баррельге түзету туралы шешім қабылдағаны нақтыланды. Бұл түзету 2026 жылғы маусымда іске асырылады.

Мәліметке сәйкес, елдер нарық жағдайын жіті бақылап, бағалауды жалғастырады.

ОБСУЖДАЕТСЯ СЕЙЧАС

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Анықтама: Бұл елдер толық икемділікті сақтайды. Қажет болған жағдайда олар бұл шаралардан кезең-кезеңімен бас тарту процесін жеделдетуі, уақытша тоқтатуы немесе мүлде кері қайтаруы мүмкін. Бұған 2023 жылғы қарашада жарияланған ерікті шектеулерді қайта қарау мүмкіндігі де кіреді.

Сонымен қатар, жеті ел Ынтымақтастық декларациясына, соның ішінде Бірлескен министрлік мониторинг комитетінің (JMMC) бақылауында болатын мұнай өндіруді қосымша ерікті түрде түзетулерге толық сәйкестікті қамтамасыз ету бойынша ұжымдық міндеттемелерін тағы да растады. Сондай-ақ, олар 2024 жылғы қаңтардан бастап артық өндірілген кез келген көлемнің орнын толық толтыру ниетін де қуаттады.

ОПЕК+ құрамындағы жеті мемлекет нарық жағдайын қарастыру, міндеттемелердің орындалуын және өтемдік шаралардың жүзеге асырылуын бақылау үшін ай сайын кездесу өткізіп тұрады. Келесі кездесу 2026 жылғы 7 маусымға жоспарланған.

Еске салайық, бұған дейін Біріккен Араб Әмірліктері 2026 жылдың 1 мамырынан бастап Мұнай экспорттаушы елдер ұйымынан (ОПЕК) және ОПЕК+ альянсынан шығатынын мәлімдеген болатын.