Қазақстанда асыл тұқымды малға 6% жеңілдетілген несие берілуде

Қазақстан Республикасы Ауыл шаруашылығы министрлігі елде мал шаруашылығын дамытуға бағытталған жаңа қаржылық бағдарламалардың іске қосылғанын хабарлады.

2026-2030 жылдарға арналған кешенді жоспар аясында «Игілік» және «Береке» атты екі жеңілдетілген несие өнімі енгізілді. Бұл бағдарламалар арқылы фермерлер асыл тұқымды малды жылдық 6%-дан аспайтын мөлшерлемемен сатып ала алады.

Бағдарламалардың операторы – Аграрлық несие корпорациясы. Сонымен қатар Даму кәсіпкерлікті дамыту қоры арқылы несиенің 85%-ға дейін кепілдендірілуі мүмкін.

«Игілік» – 100-ден 500 басқа дейін мал алуға арналған;

«Береке» – 500-ден жоғары ірі шаруашылықтарға бағытталған;

Несие мерзімі – 7 жылға дейін;

Алғашқы 24 айда негізгі төлемдерге жеңілдік кезеңі қарастырылған.

Несие алу үшін:

әрбір мал тіркеліп, есептік нөмірі болуы тиіс;

қора-жай дайын болуы қажет;

қыс мезгілінде су мен жемшөп қоры жеткілікті болуы керек;

қажетті техника мен ауыл шаруашылығы жерлері болуы міндетті.

Сондай-ақ алынған аналық малдан кемінде төрт жыл бойы төл алу міндеті қойылады. Ал «Береке» бағдарламасына қатысу үшін шаруашылықтың кемінде екі жылдық тәжірибесі болуы қажет.

Министрлік мәліметінше, бұл бастама мал шаруашылығын дамытуға, өндірісті ұлғайтуға және фермерлерді қолдауға бағытталған.