Қазақстанда базарларға арналған бірыңғай дизайн код енгізілуі мүмкін

Мәжіліс депутаты базарлардың қазіргі жағдайын қатаң сынға алып, инфрақұрылым мен санитарлық талаптардың жүйелі түрде сақталмай отырғанын айтты.

Оның сөзінше, XXI ғасыр талаптарына сай келмейтін тәртіпсіздік байқалады: сауда қатарлары мен инфрақұрылым ескірген, санитарлық-гигиеналық нормалар өрескел бұзылған, базар ішінде қоқыс жиналып, су ағатын жүйелер бітелген.

Сонымен қатар, тұрақ орындарының жоқтығы көлік кептелістерін туғызып, тұрғындарға қолайсыздық тудырып отырғаны айтылды.

Депутаттың пікірінше, қазіргі базарлар ауданның имиджіне кері әсер етеді.

Ол кәсіпкерлердің қолайсыз жағдайда жұмыс істеп жатқанын, ал базар иелерінің инфрақұрылымды жаңартуға жеткілікті инвестиция салмай отырғанын да атап өтті.

Данияр Қасқарауов сондай-ақ мұндай мәселелер Алматы облысы-ның басқа аудандарында да бар екенін айтты.

Осыған байланысты ол:

базарлар қызметіне кешенді тексеріс жүргізуді санитарлық, өрт қауіпсіздігі және қала құрылысы нормаларын бағалауды кейбір базарларды жаңғырту немесе елді мекендер шетінен көшіруді сондай-ақ базарлар мен сауда нысандарына бірыңғай архитектуралық және дизайн-код енгізуді ұсынды

Депутат бұл бастама бизнесті шектеуге емес, керісінше қауіпсіз әрі заманауи сауда жағдайын жасауға және халықтың өмір сапасын арттыруға бағытталғанын атап өтті.

Айта кетейік, 2026 жылы жеке инвестициялар есебінен жалпы аумағы шамамен 16 мың шаршы метр болатын көпфункционалды фермерлік базар ашу жоспарланған.

Айта кетейік, Сауда және интеграция министрлігі Премьер-министрдің тапсырмасын орындау аясында елдегі базарларда өнімсіз делдалдарды қысқарту жұмысын жандандырды.