Қазақстанда биология мен физикадан олимпиаданың шешуші кезеңі басталды

Бұл кезеңге республика өңірлерінен 311 оқушы қатысады:

* биология пәні бойынша — 153 қатысушы;
* физика пәні бойынша — 158 қатысушы.

— Олимпиада барысында қатысушылар теориялық және тәжірибелік тапсырмаларды орындап, ғылыми ойлау қабілеттерін, зерттеушілік дағдыларын және пәндік білім деңгейін көрсетеді. Зияткерлік сайыстың негізгі мақсаты — дарынды оқушыларды анықтау, олардың ғылыми әлеуетін дамыту және халықаралық олимпиадаларға дайындалатын ұлттық құраманы қалыптастыру, — делінген хабарламада.

Пәндік олимпиада қорытындысы бойынша үздік нәтиже көрсеткен оқушылар ұлттық олимпиадалық резерв құрамына қабылданып, еліміздің намысын халықаралық білім додаларында қорғауға мүмкіндік алады.

Бұған дейін «Мың бала» ұлттық олимпиадасына тіркелу жүріп жатқанын жаздық.