Қазақстанда доллар бағамы шарықтайды: жыл соңына дейін 495 теңгеге жетуі мүмкін

Қазақстанда ұлттық валютаның біртіндеп әлсіреуі күтілуде. Сарапшылардың болжамына сәйкес, жылдың соңына қарай доллар бағамы 495 теңгеге дейін көтерілуі мүмкін.

«Финам» компаниясының сарапшысы Александр Потавин LS-ке өз болжамын бөлісті. Оның бағалауынша, 2026 жылдың төртінші тоқсанында америкалық валютаның құны 460–495 теңге аралығында ауытқиды.

Қазір теңгені ұстап тұрған негізгі факторлар:

мұнай бағасының өсуі (Brent маркасы $91/баррельге жетті),

шетелдік инвесторлардың мемлекеттік бағалы қағаздарға қызығушылығы.

Бұл жағдай Каспий құбыр консорциумындағы уақытша тоқтауларға қарамастан теңгеге қолдау көрсетіп отыр.

Алайда күзге қарай мемлекеттік қолдаудың азаюы теңгенің әлсіреуіне себеп болады. Квазимемлекеттік сектордың валюталық түсімнің 50%-ын сатуды тоқтатуы және Ұлттық қордан трансферттердің қысқаруы нарықтағы валютаның ұсынысын азайтады. Бұған қоса, ағымдағы шоттағы тапшылық пен жоғары инфляция қысым жасауда.

Кеше, 13:55