Қазақстанда отбасын қорғау мәселелері жөніндегі уәкіл болады

АСТАНА, 6 наурыз – Sputnik. Қазақстанда отбасын қорғау мәселелері жөніндегі уәкіл қызметі енгізіледі. Бұл туралы президент Қасым-Жомарт Тоқаев мәлімдеді, деп хабарлайды Sputnik Қазақстан.

Бұл қоғамдық лауазым адам құқықтарының қорғалуы мен отбасы институтын күшейтуге тиіс.

"Отбасы омбудсмені президент жанындағы Әйелдер істері және отбасылық-демографиялық саясат жөніндегі ұлттық комиссия төрағасының бірінші орынбасары ретінде қызмет етіп, атқарылған істер туралы мемлекет басшысына есеп беріп отырады", - деді Тоқаев Ақорадағы салтанатты жиында.

Президенттің айтуынша, мұндай жүйе тұрмыстық зорлық-зомбылықтың алдын алу шараларын кешенді түрде жолға қоюмен қатар, отбасы саясатындағы басқа маңызды түйткілдерді шешуге мүмкіндік береді.