Адам құқықтары жөніндегі уәкіл Отарда жағы сынған сарбазға қатысты пікір білдірді

Ресми сауалымызға берген жауабында ол Отардағы әскери бөлімде болған құқықбұзушылыққа тоқталды.

— Адамның қадір-қасиетіне қол сұғуға болмайды. Бұл ҚР Конституциясында бекітілген, сондай-ақ Азаматтық және саяси құқықтар туралы халықаралық пактіде жазылған. Ал аталған жағдайға қатысты айтар болсақ, тек сот қана құқықтық баға бере алады. Біз тергеу сапалы өтіп, әділ сот шешімі қабылданады деп үміттенеміз, — деді омбудсмен.

Айта кетейік, бұған дейін Отардағы әскери бөлімде жағы сынған сарбаздың жағдайы туралы жазғанбыз.