Қазақстанда сынға байланысты телефондарды верификациялау механизмі өзгереді

Қазақстанда мобильді телефондарды верификациялау тәсілі өзгеруі мүмкін - бұл функцияны жеке компаниялардың орнына мемлекеттік ұйымға беру жоспарланған. Бұл туралы Цифрлық даму, инновациялар және аэроғарыш өнеркәсібі бірінші вице-министрі Ростислав Коняшкин мәлімдеді, деп хабарлайды Tengrinews.kz тілшісі.

Қазақстанда мобильді телефондарды верификациялау тәсілі өзгеруі мүмкін - бұл функцияны жеке компаниялардың орнына мемлекеттік ұйымға беру жоспарланған. Бұл туралы Цифрлық даму, инновациялар және аэроғарыш өнеркәсібі бірінші вице-министрі Ростислав Коняшкин мәлімдеді, деп хабарлайды Tengrinews.kz тілшісі.

Журналистер нарықта қазіргі оператордан бөлек, телефондарды верификациялайтын жаңа компаниялар пайда болды ма деп сұрады.

Коняшкин бұл мәселе үкімет деңгейінде қаралып, түбегейлі шешім қабылданғанын айтты.

"Қазіргі уақытта бұл мәселе қарастырылды, соның ішінде үкімет деңгейінде де талқыланды. Мемлекеттік монополия жолымен жүреміз деген шешім қабылданды. Бұл телефондарды верификациялау қызметтерін көрсете алатын мемлекеттік ұйым болады", - деді вице-министр.

Оның айтуынша, бұл үшін қажетті заңнамалық түзетулер дайындалып жатыр.

"Тиісті нормативтік өзгерістер қазір Мәжілісте қаралып жатыр. Олар мақұлданады деп үміттенеміз, егер қабылданса, бұл іспен жүз пайыз қатысу үлесі бар мемлекеттік компания айналысатын болады", - деп толықтырды вице-министр.

Осылайша, Қазақстандағы мобильді құрылғыларды верификациялау нарығы мемлекет бақылауына өтуі мүмкін.

ОБСУЖДАЕТСЯ СЕЙЧАС

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Бұған дейін қазақстандықтардың мобильді құрылғыларды IMEI-кодтары бойынша міндетті верификациялауға шағымданып жатқанын жазған болатынбыз. Депутат Болатбек Нажметдинұлы бұл мәселеге қатысты үкіметке ресми сауал жолдап, процедураны ешқандай конкурссыз, ресми мәртебесіз және құқықтық негіздемесіз жеке компания жүзеге асырып жатқанына алаңдаушылық білдірген еді.

11 ақпанда Цифрлық даму, инновациялар және аэроғарыш өнеркәсібі министрлігі (ЦДИАӨМ) мобильді құрылғыларды тіркеу ережелерінің жаңартылғанын хабарлады. Қазақстанда ұялы байланыс абоненттік құрылғыларын тіркеудің ақ, сұр және қара тізімдері енгізілді. Ақ тізімге верификациядан сәтті өтіп, деректер қорына енгізілген құрылғылар кірді. Сұр тізімге - мәртебесі қосымша тексеруді қажет ететін, бірақ желіде 30 күнге дейінгі мерзімге уақытша жұмыс істеуге рұқсат берілген аппараттар енді.

Қара тізімге идентификациялық коды қате немесе өзгертілген, зауыттық IMEI-і жоқ немесе халықаралық GSMA қара тізіміне енген құрылғылар ілікті.

Алайда кейінірек әлеуметтік желілерде қазақстандықтардың смартфондарды тіркеуге қатысты шағымдары қаптап кетті. Азаматтар шетелден немесе қолдан сатып алынған телефондардың пайдалануға жарамсыз болып жатқанын айта бастады. Жүйе IMEI-кодтарды қабылдамайды, ал нарықта бұл мәселені "төменірек" 30–50 мың теңгеге шешіп беруді ұсынатын делдалдар пайда болған.

Google News арқылы жаңалықтарымызды қадағалаңыз