Қазақстанда жаңа мемлекет құруға Шымкент тумасы шақырды

Сәуір мен мамырда террористік және экстремистік қылмыстар жасағаны үшін 13 адам сотталды. Қылмыстық істер ҰҚК тергеді, деп хабарлайды Tengrinews.kz тілшісі комитеттің баспасөз қызметіне сілтеме жасап.

Сәуір мен мамырда террористік және экстремистік қылмыстар жасағаны үшін 13 адам сотталды. Қылмыстық істер ҰҚК тергеді, деп хабарлайды Tengrinews.kz тілшісі комитеттің баспасөз қызметіне сілтеме жасап.

Атап айтқанда, сотталғандардың бірі, Астана тұрғыны әлеуметтік желілерде террористік идеологияны насихаттап, айналасындағыларды террористік белсенділік аймақтарына шығуға үгіттеген. Сот шешімімен ол 8 жыл бас бостандығынан айырылды.

"Екіншісі, Шымкент тумасы айналасындағыларды Қазақстанда теократиялық мемлекет құруға шақырып, терроризм идеяларын таратқан. Сот оны 7 жыл бас бостандығынан айыруға үкім шығарды", - деп хабарлады ҰҚК баспасөз қызметі.

Анықтама: Теократиялық мемлекет - бұл жоғарғы мемлекеттік билік дінбасыларға немесе діни көшбасшыға тиесілі, ал ел заңдары діни догмалар мен қасиетті мәтіндерге негізделген басқару нысаны. Мұндай мемлекетте билік органдары тікелей діни институттарға бағынады. Теократияның қазіргі классикалық мысалдары Ватикан мен Иран.

Осы кезеңде Астана, Алматы, Шымкент пен Атырау, Ақтөбе, Жамбыл, Қарағанды, Түркістан, Абай облыстарында осындай қылмыстар жасады деген күдікпен 11 адам, оның ішінде екі шетелдік және шетелден экстрадицияланған үш Қазақстан азаматы ұсталды. Олар интернетте және өз айналасында экстремистік материалдарды таратты, террористік белсенділік аймақтарына шығуға және өздерінің ұстанымдарымен келіспейтін адамдарға қатысты зорлық-зомбылыққа шақырды деген күдікке ілінген.

Сотқа дейінгі тергеп-тексеру амалдары жүргізіліп жатыр.

Бұған дейін ҰҚК жыл басынан бері террористік және экстремистік қылмыстар жасағаны үшін 17 адам сотталғанын хабарлаған болатын.

ҚАЗІР ТАЛҚЫЛАНЫП ЖАТЫР

Бозымбаев Шэньчжэнь мэрімен инновациялық қалаларды дамыту тәжірибесін талқылады

09 маусым 13:18 1

6 миллиард доллар инвестиция: Alatau City бойынша Шэньчжэньдегі келіссөздер қорытындысы

10 маусым 13:32 2

Google News арқылы жаңалықтарымызды қадағалаңыз