Қазақстандық инженерлер электр энергиясын үнемдейтін трансформатор жасап шығарды

Электотехникалық жабдықты  Кентау трансформатор зауытының мамандары Alageum Engineering  және Umay R&D ғылыми-зерттеу орталығымен бірлесіп жасады.

Қазір құрылғы Петропавлда сынақтан өтіп жатыр. Бұл туралы  «Alageum Electric» компаниясының өкілдері  мәлімдеді. Жаңа өнім көпшілікке   отандық тауар өндірушілерді қолдауға бағытталған энергетикалық форумда таныстырылды.

Қазақстандық ғалымдар энергия үнемдейтін жаңа буын трансформаторын таныстырды. Өнім еуропалық стандарттарға сәйкес келеді. Смарт желіге толығымен бейімделген. EcoDesign 2 трансформаторы  шығынды азайтады. Кернеудің жүктемесін автоматты түрде реттейді. Оны жаңартылған энергияның қосалқы станцияларында және теміржол, энергетика, мұнай-газ саласында кеңінен  қолдануға болады.

Отабек Нәлібаев, «Umay R&D» ЖШС Трансформатор жөніндегі конструкторы:

- Қуаттылығы 630 КВА кернеуі 20 киловольт. Тансформатордың ерекшелігі мұнда арнайы құрылғы қойылған. РПН деп айтылады. Неміс фирмасы МР деген құрылғысы болып табылады. Яғни ерекшелігі трансформатор жұмыс істеп жатқан кезде трансформаторды өшірмей-ақ оның кернеуін ауыстыра беруге болады

Трансформатор «Alageum Electric» компаниясының Кентаудағы  зауытында жасалды. Биыл бұл өндіріс орнына - 66 жыл. Зауыт әлемдік  сапа стандартына және Smart Grid талабына сәйкес келетін жабдықтар шығарады.

Болат Райымбеков, «Alageum Sales» ЖШС Алматы филиалының басқарушы директоры:

- «Alageum Electric» компаниясында жалпы ірі 4 трансформатор шығаратын зауыт бар. Олар 4 қалада орналасқан Кентау, Шымкент, Орал қаласында және Петропавл қаласында. 4 зауыттың қуаттылығы жылына 40 мың дана трансформатор шығаруға қауқарлы және 04 киловольттан 500 киловольтқа дейін трансформаторлар және автотрансфарматорлар шуйнтерлік реакторларды шығарып және тасымалдаймыз. 

«Alageum Electric» - Қазақстандағы жетекші электротехникалық компания. Құрамына 30 кәсіпорын кіреді. Қазір өнімін өз елімізбен қоса, 20-ға жуық шет мемлекетке экспорттайды.

Авторлары: Қарлығаш Қайыпбекова, Әбен Нарымбаев