Қазақстандықтар зейнетақы жинақтарын көз емдеуге жиі пайдалана бастаған

Қазақстандықтар зейнетақы жинақтарын енді тіс еміне емес, офтальмологиялық қызметтерге жиі пайдалана бастаған.

Бірінші кредиттік бюроның деректеріне сүйенсек, өткен айда көз емдеуге сұраныс күрт артқан. Осы уақыт аралығында  офтальмологиялық қызметтерге 1611 өтінім түскен. Онда тұрғындар 1,4 млрд теңге көлеміндегі қаржысын жанарын емдеуге жұмсамақ болған. Бұл тамыз айымен салыстырғанда 5,8 есе көп. Соңғы 12 айдың орташа көрсеткішімен салыстырғанда да рекордтық өсімге жеткен. Айта кетейік, 15 қыркүйекте зейнетақы жинақтарын тіс емдеуге пайдалану тоқтатылатыны хабарланған болатын. Кейін денсаулық сақтау министрлігі стоматологиялық қызметтерге арналған төлем нормасын алып тастау жөнінде түзетулер жобасын жариялады. Себебі оған дейін көптеген жалған өтінім мен заңсыздық анықталған.