Қазақстандықтарға зейнетақы жинақтарын бақылауға көбірек мүмкіндік берілді 7 қыркүйектен бастап не өзгерді

7 қыркүйектен бастап Әлеуметтік кодекске өзгерістер күшіне енді. Бұл туралы Бірыңғай жинақтаушы зейнетақы қорының (БЖЗҚ) баспасөз қызметі хабарлады, - деп жазады Tengrinews.kz.

Өзгерістерге сәйкес, инвестициялық портфельді басқарушыларға (ИПБ) берілетін зейнетақы жинақтарының көлемі енді салымшының жеке зейнетақы шотындағы міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ) және ерікті зейнетақы жарналары (ЕЗЖ) есебінен жиналған қаражаттың 100 пайызына дейінгі мөлшерді құрай алады.

Бұл ретте МЗЖ және ЕЗЖ салымшылары, сондай-ақ өздері үшін МКЗЖ және ЕЗЖ аударған жеке тұлғалар сенімгерлік басқаруға берілетін жинақтарының көлемін өз бетінше анықтай алады, бір немесе бірнеше ИПБ-ны, сондай-ақ өздерінің қаржылық мақсаттарына сәйкес бір немесе бірнеше инвестициялық портфельді таңдай алады.

"Заңнамаға сәйкес ИПБ үш инвестициялық портфельге дейін қалыптастыра алады: консервативті, байсалды, тәуекелді. Олар тәуекел деңгейі, күтілетін кірістілік және инвестициялау мерзімі бойынша ерекшеленеді. Әртүрлі инвестициялық портфельдерді таңдау мүмкіндігі Әлеуметтік кодекстің 37-1-бабында бекітілген. Оларды қалыптастыруға қойылатын талаптарды қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган айқындайды", - деп хабарлады зейнетақы қорындағылар.

Зейнетақы жинақтарын басқаруға беру тәртібі мен инвестициялық мүмкіндіктер туралы толық ақпарат БЖЗҚ сайтында және invest.enpf.kz платформасында қолжетімді.

Осылайша, зейнетақы жүйесі салымшы пассивті рөл атқаратын модельден адамның өз зейнетақы жинақтарын басқаруға саналы түрде қатысуын көздейтін жүйеге біртіндеп трансформацияланып жатыр, деді БЖЗҚ өкілдері.

"Инвестициялық стратегияны таңдау мүмкіндіктерін дәйекті түрде кеңейту, зейнетақы активтерін басқару туралы ақпараттың қолжетімділігін арттыру салымшылардың болашақ зейнетақы табысын қалыптастыруға байланысты шешімдер қабылдауға белсендірек қатысуына жағдай жасайды", - деп толықтырды қордағылар.

Бұған дейін біз Қазақстанда БЖЗҚ салымшылары үшін мүмкіндіктер кеңейіп жатқаны туралы жазған болатынбыз. Жинақтарды кім бере алады және бұл процедура қалай жүзеге асады, жеке басқарушылар не ұсынады және компанияны қалай таңдау керек, қандай компаниялар зейнетақы активтерімен жұмыс істеуге жіберіледі - материалдан оқыңыз.

ҚАЗІР ТАЛҚЫЛАНЫП ЖАТЫР

Астана-1 вокзалын жөндеу: қашан аяқталады және қазіргі жағдайы қандай?

05 қыркүйек 14:58 1

Тағы оқыңыз: Қазақстандағы зейнетақы реформасы: Ұлттық банк басшысы мән-жайын айтты

Google News арқылы жаңалықтарымызды қадағалаңыз