Қазақтар мен қырғыздарды қорлаған Екатерина Биволға Ресей соты жаза тағайындады

Санкт-Петербургтің Ленин аудандық соты Екатерина Биволды әкімшілік бап бойынша кінәлі деп таныды. Сот оған 60 сағаттық міндетті жұмыс түріндегі жаза тағайындады, деп хабарлайды Arasha.kz.

Бивол әлеуметтік желіде бейәдеп сөздер қолданып, адамдарды ұлтына қарай, атап айтқанда қазақтар мен қырғыздарды қорлайтын видео жариялаған. Экстремизмге қарсы іс-қимыл орталығының сараптамасы оның мәлімдемелерінде ұлтаралық араздықты қоздыру белгілері, сондай-ақ бір топ адамның басқалардан «артықшылығы» туралы тұжырымдар бар деген қорытындыға келді.

Бұған дейін, қазан айында Қазақстан Ішкі істер министрлігі Екатерина Биволға қатысты қылмыстық іс қозғалғанын және оны экстрадициялау мәселесі қарастырылып жатқанын хабарлаған болатын. Кейінірек ол іздеуге жарияланды.