Қирандылар мен дүрбелең . Желіде Антальядағы Boeing 777 ұшағымен болған төтенше жағдайдың жаңа кадрлары талқылануда

Желіде Анталья әуежайында радар діңгегіне соғылған Turkish Airlines әуе компаниясының Boeing 777 ұшағы салонынан түсірілген кадрлар талқыланып жатыр. Бейнежазбаға қарағанда, соққының қатты болғаны соншалық, мұнара сынықтары фюзеляжға құлаған, ал бортсеріктерге қорыққан жолаушыларды сабырға шақыруға тура келген, деп хабарлайды Tengri Travel.

Желіде Анталья әуежайында радар діңгегіне соғылған Turkish Airlines әуе компаниясының Boeing 777 ұшағы салонынан түсірілген кадрлар талқыланып жатыр. Бейнежазбаға қарағанда, соққының қатты болғаны соншалық, мұнара сынықтары фюзеляжға құлаған, ал бортсеріктерге қорыққан жолаушыларды сабырға шақыруға тура келген, деп хабарлайды Tengri Travel.

Желіде Анталья әуежайында Turkish Airlines әуе компаниясының Boeing 777 ұшағы радар діңгегіне соғылған сәттен кейінгі алғашқы видеолар пайда болды. Бейнежазбадан соққы ұшақтың оң қанатына тигенін көруге болады. Соқтығысудан кейін әуе кемесі айтарлықтай зақымданған.

Instagram-дағы бұл жазбаны көру

A post shared by Hava Haber (@havahabercom)

Жарияланған басқа кадрлардан құрылым сынықтарының лайнер фюзеляжына құлағанын болжауға болады. Бұл уақытта салонда жолаушылар болған.

Instagram-дағы бұл жазбаны көру

A post shared by Antalya Hakkında (@antalya.hakkinda)

Тағы бір видеода бортсеріктер оқиғадан кейін жағдайы нашарлаған әйелге көмектесіп жатыр.

Instagram-дағы бұл жазбаны көру

A post shared by AVIATION ISTANBUL (@aviation_istanbul)

Hurriet мәліметінше, оқиға Стамбул - Анталья бағыты бойынша рейсті орындаған Boeing 777 ұшағы қонғаннан кейін болған.

Алдын ала ақпарат бойынша, Boeing 777 қонғаннан кейін тұраққа қарай бет алған, алайда маневр жасау кезінде қате жолаққа түсіп кетіп, радиолокациялық діңгекке соғылған.

Ақпаратты Turkish Airlines компаниясының қоғаммен байланыс жөніндегі директоры Яхья Устюн X әлеуметтік желісінде растады.

"ТК2430 Стамбул - Анталья рейсін орындаған тіркеу нөмірі TC-LKD Boeing 777 ұшағы Анталья әуежайында тұраққа бет алу кезінде оң қанатымен жердегі радар діңгегіне тиіп кетті", - деп атап өтті ол.

Әуекомпания дерегінше, бортында 267 жолаушы болған. Оқиғадан кейін барлығы эвакуацияланды.

Бір адам жеңіл жарақат алғаны хабарланды.

Turkish Airlines өкілдері оқиға дерегі бойынша техникалық тергеу басталғанын мәлімдеді.

Айта кетейік, таяуда Lufthansa әуе компаниясының Boeing 787 ұшағымен да оқыс оқиғаға тап болған еді. Тұрақта тұрған ұшақтың алдыңғы шасси тірегі кенеттен жиналып қалып, лайнер тұмсығымен перронға құлаған болатын.

Тағы оқыңыз: Әлемдегі ең қауіпті әуежай аталды

Google News арқылы жаңалықтарымызды қадағалаңыз