Қонаевта референдум мен Наурыз мейрамы қарсаңында дрон шоу ұйымдастырылды

Алматы облысында цифрлық технологияның мүмкіндіктерін көрсеткен ерекше дрон-шоу өтті. 500-ден астам дрон Қонаев қаласының көгінде қалықтап, көрермендерге әсерлі жарық композицияларын ұсынды. Аспанда Қазақстан картасы бейнеленген сәтте жиналған жұрт ерекше қуанышын жасыра алмады, деп жазады Egemen.kz.

Бұдан бөлек, шоу барысында ұлттық құндылықтарды айшықтайтын, қазақ халқы үшін береке мен бірліктің белгісі саналатын шаңырақ бейнесі, көктем мен жаңарудың нышаны – қызғалдақ гүлі мен «Digital Nauryz», «Наурыз құтты болсын!» деген мерекелік жазу бейнеленді. Сонымен бірге «Қазақстан», «Алматы облысы» деген жазулар да пайда болды. Бұл өңірдің ел дамуындағы орны мен маңызын білдіретін символдық көрініске айналды.

Шоу барысында ел өміріндегі маңызды саяси оқиғаға арналған композициялар да ұсынылды. Аспанда «15 наурыз – референдум» және «Жаңа Конституция» деген жазулар пайда болып, алдағы республикалық референдумның мәні мен маңызын жеткізді. Сонымен қатар дауыс беру белгісі бейнеленіп, азаматтық жауапкершілік пен әрбір азаматтың өз таңдауын жасау құқығы символдық түрде көрсетілді.

Дрон-шоуды тамашалауға 5 000-нан астам көрермен жиналды, олардың қатарында Алматы облысы әкімінің орынбасары Ғани Майлыбаев, коалиция мүшелері, зиялы қауым өкілдері де болды. Жиналған көпшілік алдында Алматы облыстық Ардагерлер кеңесінің төрағасы Ерболат Тұрымбетов пен Алматы облыстық Қоғамдық кеңесінің төрағасы Қазыбек Дауталиев сөз сөйлеп, облыс халқын референдумға белсенді қатысуға шақырды.

«15 наурыз күні әр азамат өз таңдауын жасайды. Бұл – жастардың Конституциясы. Өйткені онда жастардың дамуына, тұлға ретінде қалыптасуына және ел экономикасының ілгерілеуіне басымдық берілген. Әрқайсымыз өз дауысымызды беріп, референдумға қатысайық», деді Ерболат Тұрымбетов.

Қазыбек Дауталиев өз сөзінде қазіргі Конституцияның ел дамуына 30 жыл қызмет еткенін атап өтіп, жаңа құжаттың маңыздылығына тоқталды.

«Қазақстанның қолданыстағы Конституциясы халыққа 30 жыл қызмет етті. Бүгін біз егемен ел ретінде жаңа маңызды құжатты қабылдау мүмкіндігіне ие болып отырмыз. Жаңа Конституция жобасында еңбек құқық ретінде белгіленген. Яғни халықты жұмыспен қамту – мемлекеттің маңызды міндеттерінің бірі», деді ол.

Дрон-шоудан кейін кеш концерттік бағдарламамен жалғасты. Шара барысында қала тұрғындарына республикалық референдум туралы ақпараттық брошюралар таратылды.

Алматы облысы

Соңғы жаңалықтар

Көкарал бөгеті жаңғыртылады: Солтүстік Аралды сақтаудың жаңа кезеңі басталмақ

Инфрақұрылым • Бүгін, 11:22

Трамп Иран құрамасының Әлем чемпионатына қатысуын орынсыз деп бағалады

Әлем • Бүгін, 11:10

Ел экономикасына салынған инвестиция көлемі 22,7 трлн теңгеге жетті

Экономика • Бүгін, 10:50

Ауыл шаруашылығы өнімін қайта өңдеу үлесі жыл соңына дейін 70%-ға жетеді

Шаруашылық • Бүгін, 10:34

Астанада автобус апаты неге жиіледі?

Қоғам • Бүгін, 10:26

Субсидияны заңсыз рәсімдеген: Түркістан облысында кооператив басшысы 4 жылға сотталды

Заң • Бүгін, 10:23

Шикізатты ел ішінде өңдеу көлемі артып келеді

Өндіріс • Бүгін, 10:16

Наурызнама онкүндігі аясында «Референдум – 2026» атты онлайн марафон өтеді

Референдум • Бүгін, 10:13

Қазақстанда медициналық көмектің сапасын басқарудың кешенді жоспары бекітілді

Үкімет • Бүгін, 09:58

«ҚазАвтоЖол» жүргізушілерге шұғыл ескерту жасады

Ауа райы • Бүгін, 09:57

«Наурызнама»: Елордада Көрісу күні қалай атап өтіледі?

Елорда • Бүгін, 09:36

Астанада демалыс күндері ауа райы қандай болады?

Ауа райы • Бүгін, 09:27

Бүгінгі доллар бағамы қандай?

Қаржы • Бүгін, 09:15

Ақылға бірлік

Пікір • Бүгін, 09:00

Шетел сарапшылары: Қазақстандағы реформа несімен құнды?

Ата заң • Бүгін, 08:55

Барлық жаңалықтар