Қонаевтың бас жоспары Қапшағай жағалауындағы қала қалай дамиды

Осыдан төрт жыл бұрын, 2022 жылғы маусымда Қапшағай су қоймасының жағасындағы қала Алматы облысының әкімшілік орталығына айналды. Бір жылдан кейін Бас жоспар қабылданып, алайда 2026 жылы оған түзетулер енгізілді. ТengriНome редакциясы Қонаев қаласының қалай дамитынын, жаңа тұрғын үй аудандары қай жерде бой көтеретінін және реновация бағдарламасы бойынша қоныс аударушыларға арналған үйдің қашан салынатынын анықтап көрді.

Поделиться

Осыдан төрт жыл бұрын, 2022 жылғы маусымда Қапшағай су қоймасының жағасындағы қала Алматы облысының әкімшілік орталығына айналды. Бір жылдан кейін Бас жоспар қабылданып, алайда 2026 жылы оған түзетулер енгізілді. ТengriНome редакциясы Қонаев қаласының қалай дамитынын, жаңа тұрғын үй аудандары қай жерде бой көтеретінін және реновация бағдарламасы бойынша қоныс аударушыларға арналған үйдің қашан салынатынын анықтап көрді.

Қонаев қаласының Бас жоспарына түзетулер енгізілді. Құжат мемлекеттік сараптамадан өтіп, қазіргі уақытта бекіту сатысында тұр. Құжатқа сәйкес, мына нысандардың құрылысына басымдық беріледі:

мектептер; ауруханалар, емханалар, медициналық мекемелер; мемлекеттік орган ғимараттары; мәдениет үйлері мен мәдени-демалыс мақсатындағы нысандар; дене шынықтыру-сауықтыру кешендері мен спорт нысандары; көппәтерлі тұрғын үй кешендері мен инженерлік-көлік инфрақұрылымы нысандары.

"Бас жоспарға енгізілген түзетулер бекітілгеннен кейін қаланың аумақтық дамуының түпкілікті параметрлері мен оны іске асыру бойынша бірінші кезектегі іс-шаралар тізбесі айқындалады", - деп нақтылады Қонаев әкімдігі.

Бұл ретте мемлекет мұқтажы үшін жер учаскелерін алып қою және үйлерді жаппай бұзу мәселесі қарастырылып жатқан жоқ.

"Бүгінгі таңда қала аумағында көппәтерлі тұрғын үйлерді бұзу жұмыстары жүргізіліп жатқан жоқ. Тұрғын үйлерді жаппай бұзу және тұрғындарды қоныс аудару бағдарламаларын іске асыру туралы шешімдер қабылданған жоқ. Сондай-ақ жақын болашақта тұрғын үйлерді бұзу бойынша бекітілген жоспарлар жоқ. Саяжай массивтеріне келетін болсақ, қазіргі уақытта саяжайларды бұзу немесе тұрғын үй кешендерін салу үшін жер учаскелерін мәжбүрлеп алып қою туралы шешімдер қабылданбағанын хабарлаймыз. Қолданыстағы құрылыстар сақталады", - деп хабарлады Қонаев әкімдігі сауалға берген жауабында.

Қонаевтағы реновация бағдарламасы: бұзылған үйдің орнына жаңасы қашан салынады?

Тек тұрғын үй қорын реновациялау бағдарламасы қарастырылған. Бірінші кезеңге Фрунзе көшесінде орналасқан екі қабатты үйдің тұрғындары ілікті.

"Бүгінгі таңда аталған учаскедегі екі қабатты ескі тұрғын үйді бұзу жұмыстары аяқталды. Қазіргі уақытта құрылыс салушы жаңа көппәтерлі тұрғын үй салу үшін жобалау-сметалық құжаттаманы әзірлеп жатыр. Тұрғын үй құрылысын аяқтау мерзімі 2027 жылдың бірінші тоқсанына жоспарланған", - делінген жауапта.

Құрылыс салушы мемлекеттен жер учаскесін және құрылыстың жалпы құнының 49%-дан астамын құрайтын қаржы алды. Үй пайдалануға берілгеннен кейін, бірінші кезекте баспананы бұзылған үйдің пәтер иелері алады. Қалған шаршы метрлерді мынадай мақсаттарда пайдалану жоспарланған:

нарықтық жағдайда коммерциялық құны бойынша сату; халықтың әлеуметтік осал топтарына ипотекаға сату немесе жалға беру. Қонаевтың Бас жоспары: қала қалай салынбақ?

Қаладағы көпқабатты үйлерді бос жатқан жаңа алаңдарда салу жоспарланған.

"Көппәтерлі тұрғын үйлердің құрылысы негізінен қаланың № 8 және № 10 шағын аудандарында жоспарланып, жүзеге асырылып жатыр. Бұл аумақ перспективалы тұрғын үй құрылысы мен қала құрылысын одан әрі дамытудың негізгі бағыттарының бірі ретінде айқындалды", - деп нақтылады әкімдік.

10-шағынауданда шетелдік қатысуы бар жеке инвестор 2025 жылдан бастап "Самұрық" тұрғын үй кешенін салып жатыр. Бұл тұтас бір тұрғын үй орамы болмақ:

150 мың шаршы метрден астам тұрғын үй; коммерциялық үй-жайлар; көпдеңгейлі паркингтер; әлеуметтік мақсаттағы нысандар.

Биыл жалпы ауданы 8,6 мың шаршы метрді құрайтын төрт көппәтерлі тұрғын үй пайдалануға берілуі тиіс. Кварталды толығымен 2029 жылдың соңына дейін тапсыру жоспарланған.

"Сонымен қатар биыл № 8 және № 10 шағынаудандарда тұрғын үй құрылысы мен қалалық инфрақұрылымды дамыту саласындағы ірі инвестициялық жобаны жүзеге асыру үшін жаңа инвестор тартылды. Жобаны іске асыру мерзімі - 2031 жылға дейін", - деп толықтырды әкімдік.

Жоба бойынша, бұл жаңа құрылыстар мен әлеуметтік және коммерциялық нысандары бар екінші тұрғын үй массиві болмақ. 350 мың шаршы метр тұрғын үйді пайдалануға беру жоспарда бар. Қазіргі уақытта инвестор жобаны әзірлеп жатыр, сондықтан әзірге нақты мерзімдер туралы айту ерте.

Тағы оқыңыз: Алматының жаңа Бас жоспары: қала қалай дамиды?

Google News арқылы жаңалықтарымызды қадағалаңыз

Жазылу

Қонаев Қапшағай қалалар