Қоқыстан электр энергиясы: Қазақстанда 300 млрд теңгеге қалдық өңдеу зауыттары салынады

Қазақстан Премьер-министрі Олжас Бектенов China Tianying Inc. компаниясының президенті Дэбяо Цаомен кездесті.

Жүздесу барысында тұрмыстық қатты қалдықтарды қайта өңдеу және энергетикалық кәдеге жарату саласындағы инвестициялық жобалар талқыланды.

Бектенов екі ел көшбасшылары Қасым-Жомарт Тоқаев пен Си Цзиньпин арасындағы сенімге негізделген диалогтің арқасында Қазақстан–Қытай ынтымақтастығы қарқынды дамып жатқанын атап өтті. Өткен жылы екі ел арасындағы тауар айналымы 48 млрд долларды құрады. Қазіргі таңда жалпы құны 13,3 млрд долларды құрайтын 77 бірлескен жоба жүзеге асырылып, 21,6 мыңнан астам жұмыс орны ашылды.

China Tianying компаниясы қалдықтарды энергетикалық кәдеге жарату саласында 20 жылдан астам тәжірибесі бар екенін, технологиялары Еуропаның озық стандарттарына сәйкес келетінін мәлімдеді. Компанияның зауыттары тәулігіне 4 мың тонна қалдықты өңдейді, алдағы уақытта бұл көрсеткіш 7 мың тоннаға дейін артпақ.

Кездесу барысында Қазақстанда тәулігіне 250–500 тонна қалдықты өңдейтін шағын зауыттар салу мүмкіндігіне ерекше назар аударылды. Бұл шешім ірі кәсіпорындар қажет емес өңірлер үшін өзекті болып отыр.

Бүгін, 14:33