Қостанайда алаяқтар кәсіпкердің 24 миллион теңгесін жымқырған

Тобылда полицейлер жергілікті кәсіпкерді рі көлемдегі онлайн алаяқтық ісін тергеп жатыр. Ер адам өзін мемлекеттік қызметкерлер мен тәртіп сақшылары ретінде таныстырған қылмыскерлердің тапсырысы бойынша 24 миллион теңге жоғалтқан.

Полицияның мәліметінше, жәбірленушіге белгісіз біреулер қоңырау шалып, өздерін салық қызметкері етіп таныстырған. Олар «қате толтырылған есеп» туралы хабарлап, enbek.kz порталынан келетін SMS-кодты жіберуді сұраған. 

Бірнеше минуттан кейін екінші қоңырау соғылып, алаяқтар бұл жолы өздерін полициямыз деп сендірген. Алаяқтар кәсіпкердің атынан несие алып, ақшаны шоттарға аудару арқылы тергеуге көмектесуді ұсынады.

Психологиялық қысымға ұшыраған кәсіпкер бірнеше несие алып, алаяқтар көрсеткен есепшоттарға 24 миллион теңге аударған.

Алаяқтық дерегі бойынша қылмыстық іс қозғалды. Киберқылмыспен күрес департаментінің қызметкерлері ұрланған қаражат аударылған шоттардың иелерін анықтады. Олар Қазақстанның бірнеше өңірі мен көршілес елдерде орналасқан. 

Құқық қорғау органдары бөтен ақшаны қолма-қол ақшаға айналдыруға қатысу немесе банк деректеріне қол жеткізу қылмыстық құқық бұзушылық болып табылатынын еске салады.

Осыған дейін Таразда бірнеше рет алаяқтық жасаған шетелдік азамат елден шығарылығандығы жөнінде хабарладық.