Қостанайлық студенттер Қазақстандағы алғашқы спорттық көлікті құрастырды

АСТАНА, 2 мамыр – Sputnik. Қостанайда студенттер Қазақстандағы алғашқы спорттық көлік - болидті құрастырды, деп хабарлады облыс әкімдігі.

Ахмет Байтұрсынұлы атындағы Қостанай өңірлік университеті базасында студенттер құрастырған алғашқы жарыс болид салтанатты түрде таныстырылды.

© Photo : Қостанай облысының әкімідгіҚостанайлық студенттер Қазақстандағы алғашқы спорттық болидті құрастырды

Қостанайлық студенттер Қазақстандағы алғашқы спорттық болидті құрастырды

© Photo : Қостанай облысының әкімідгі

Жоба университет жанындағы Озық машина жасау орталығында жүзеге асырылған.

"Болидтің басты ерекшелігі – оның әрбір бөлшегі студенттердің өз қолымен нөлден бастап жасалған. Жас инженерлер идеяны әзірлеуден бастап, техникалық есептеулер жүргізу, жобалау, құрастыру және сынақтан өткізу кезеңдерінің барлығын дербес орындаған", - деп жазылған хабарламада.

Мамандардың айтуынша, бұл – жай ғана оқу үдерісінің бөлігі емес, толыққанды инженерлік жоба. Мұндай деңгейде әзірленген студенттік жарыс көліктері елімізде сирек кездеседі және отандық техникалық білім берудің әлеуетін көрсетеді.