ҚПЛ: Тобыл сырт алаңда Жетісудан басым түсті
Qazaq24.com, Inform.KZ дереккөзінен алынған мәліметтерге сүйене отырып мәлімдеме жасады..
Нұрбол Жұмасқалиев жаттықтыратын команда чемпиондықтан шет қалғанымен, олардың екінші орын алуға мүмкіндігі бар. Сондықтан қостанайлық аяқдопшылар бүгінгі кездесуде жеңіске жетуге барын салды.
4-минутта алаң иелері сапынан Сослан Такулов есеп ашып, ойынның басы жақсы басталған. Алайда қонақтар да қарап қалмады. Кездесудің екінші кезеңінде Марко Вукчевич пен Николай Сигневич бір-бір голдан соғып, «Тобыл» футболшылары кэмбэк жасады. Осылайша қарсыласынан 2:1 есебімен басым түскен қостанайлықтар екінші орын алу мүмкіндігін сақтап қалды.
Дәл қазір «Астана» мен «Ақтөбе» кездесуі өтіп жатыр. Ал 18:00-де «Ордабасы» (Шымкент) пен «Оқжетпес» (Көкшетау) ойнайды.
Аталған турда алматылық «Қайрат» сырт алаңда петропавлдық «Қызылжарды» 1:0 есебімен жеңді.
Айта кетсек, бүгін «Ұлытау» (Жезқазған) мен «Қайсар» (Қызылорда), «Атырау» мен «Жеңіс» (Астана) 1:1 есебімен тең түссе, түркістандық «Тұран» өз алаңында семейлік «Елімайға» 3:6 есебімен есе жіберді.


